|
ຮອງນາຍົກລັດຖະມົນຕີມາເລເຊຍຮຽກຮ້ອງບັນດາປະເທດອາຊຽນຈົ່ງປະກອບສ່ວນເຂົ້າໃນການກໍ່ສ້າງປະຊາຄົມຄວາມໝັ້ນຄົງ
cri
ຕາມຂ່າວສານຊິນຮວາ,ວັນທີ23ພຶດສະພາ,ຢູ່ທີ່ກົວລາລຳເປີ ທ່ານນາຈິບ ຮອງນາຍົກລັດຖະມົນຕີທັງເປັນລັດຖະມົນຕີກະຊວງປ້ອງກັນປະເທດມາເລເຊຍກ່າວວ່າ,ຝ່າຍຕຳຫຼວດຂອງບັນດາປະເທດອາຊຽນຄວນພ້ອມກັນພະຍາຍາມ,ເພື່ອປະກອບສ່ວນເຂົ້າໃນການສ້າງປະຊາຄົມຄວາມໝັ້ນຄົງຂອງອາຊຽນໃຫ້ສຳເລັດກ່ອນປີ2020.
ໃນເວລາກ່າວຄຳປາໄສໃນພິທີໄຂກອງປະຊຸມສຸດຍອດຕຳຫຼວດປະເທດອາຊຽນຄັ້ງທີ26ທີ່ຈັດຂຶ້ນໃນວັນທີ23ພຶດສະພາ,ທ່ານນາຈິບກ່າວວ່າ,ການສ້າງຕັ້ງປະຊາຄົມຄວາມໝັ້ນຄົງອາຊຽນແມ່ນໜຶ່ງໃນສາມເສົາຄ້ຳຂອງການສ້າງປະຊາຄົມອາຊຽນໃຫ້ສຳເລັດກ່ອນປີ2020ເຊິ່ງຕົກລົງໃນກອງປະຊຸມສຸດຍອດອາຊຽນ.ກອງປະຊຸມສຸດຍອດຕຳຫຼວດປະເທດອາຊຽນຄວນຜ່ານຈາກການປັບປຸງເປົ້າໝາຍແລະລົງເລິກການຮ່ວມມືດ້ານປະຕິບັດກົດໝາຍ,ເສີມຂະຫຍາຍບົດບາດສຳຄັນໃນການກໍ່ສ້າງປະຊາຄົມຄວາມໝັ້ນຄົງອາຊຽນ.
ນາຈິບຍັງກ່າວວ່າ,ບັນດາປະເທດອາຊຽນຄວນວາງເປົ້າໝາຍເປັນເອກະພາບກັນ,ເພີ່ມທະວີການກໍ່ສ້າງຄວາມສາມາດປະຕິບັດກົດໝາຍຂອງພາກພື້ນແຫ່ງນີ້,ພ້ອມທັງຮ່ວມມືກັບປະເທດອື່ນໆ,ເຮັດແນວນີ້ຈິ່ງສາມາດໂຈມຕີການກໍ່ການຮ້າຍຢ່າງບັງເກີດຜົນໄດ້.
|
|
