|
ທາງລົດໄຟດ່ວນແລ່ນດ້ວຍແຮງແມ່ເຫຼັກແຕ່ຊຽງໄຮ້ຫາຫາງໂຈ່ວທີ່ຈີນເຢຍລະມັນຮ່ວມມືກໍ່ສ້າງນັ້ນຈະມີຄວາມໄວເຖິງ500ກິໂລແມັດຕໍ່ຊົ່ວໂມງ
cri
ຕາມຂ່າວສານຊິນຮວາ,ທາງລົດໄຟດ່ວນແລ່ນດ້ວຍແຮງແມ່ເຫຼັກແຕ່ຊຽງໄຮ້ຫາຫາງໂຈ່ວຈະລົງມືກໍ່ສ້າງໃນໄວໆນີ້,ຕາມການອອກແບບ,ຈະມີຄວາມໄວເຖິງ500ກິໂລແມັດຕໍ່ຊົ່ວໂມງ.
ຕອນບ່າຍວັນທີ23ພຶດສະພາ,ທ່ານນາງແອງເກລາ ແມກໂຄ ນາຍົກລັດຖະມົນຕີເຢຍລະມັນໄດ້ທັດສະນາຈອນແລະຂີ່ຂະບວນລົດແລ່ນດ້ວຍແຮງແມ່ເຫຼັກຈາກເທສະບານເມືອງຊຽງໄຮ້ໄປເດີ່ນຍົນສາກົນພູຕົ່ງ.ຜູ່ຊ່ຽວຊານຈີນແນະນຳວ່າ,ທາງລົດໄຟດ່ວນແລ່ນດ້ວຍແຮງແມ່ເຫຼັກຊຽງໄຮ້ທີ່ເປັນຕົວແບບນັ້ນຍາວ30ກິໂລແມັດ,ມີແຕ່ສະຖານີຕົ້ນທາງແລະສະຖານີປາຍທາງເທົ່ານັ້ນ,ຄວາມໄວສູງສຸດແມ່ນ430ກິໂລແມັດຕໍ່ຊົ່ວໂມງ.ສ່ວນທາງລົດໄຟແລ່ນດ້ວຍແຮງແມ່ເຫຼັກແຕ່ຊຽງໄຮ້ຫາຫ່າງໂຈ່ວໃນຜັງອອກແບບ,ຍາວປະມານ200ກິໂລແມັດ,ຕັ້ງສະຖານີຫຼາຍແຫ່ງ, ຈະບັນລຸໃຫ້ຂະບວນລົດແລ່ນດ້ວຍແຮງແມ່ເຫຼັກ10ກວ່າຂະບວນແລ່ນສອງທິດ,ນີ້ຈະຊຸກຍູ້ໃຫ້ເຕັກນິກຄົມມະນາຄົມແຮງແມ່ເຫຼັກກ້າວກະໂດດບາດກ້າວໃຫຍ່.
ທ່ານນາງແມກໂຄກ່າວວ່າ,ລັດຖະບານເຢຍລະມັນຈະຕັ້ງໜ້າສະໜັບສະໜູນທັງສອງຝ່າຍເຢຍລະມັນຈີນສືບຕໍ່ດຳເນີນການຮ່ວມມືດ້ານເຕັກນິກແລະວິສະວະກຳໃນຂົງເຂດແຮງແມ່ເຫຼັກ.
|
|
