|
ຫວ່າງມໍ່ໆນີ້,ພວກເຮົາໄດ້ຮັບຈົດໝາຍຂອງທ່ານ ຕົວທໍດາເຊັງ ທີ່ຢູ່ສະຫະພັນກຳມະບານ ແຂວງອຸດົມໄຊ,ໃນຈົດໝາຍ ທ່ານຂຽນວ່າ,ທ່ານໄດ້ຮັບລາງວັນທີ່ພວກເຮົາສົ່ງໄປນັ້ນແລ້ວ,ແລະໄດ້ປະກອບຄຳຄິດຄຳເຫັນຈຳນວນໜຶ່ງກ່ຽວກັບການເສັງຄວາມຮູ້ທີ່CRIພວກເຮົາຈັດຂຶ້ນ,ທ່ານຂຽນວ່າ:ສ່ວນການເສັງຄວາມຮູ້ຊີງລາງວັນນັ້ນ,ຂ້າພະເຈົ້າຄິດວ່າຈະຖືກຫຼືບໍ່ຖືກກໍ່ບໍ່ສຳຄັນ,ບໍ່ເສຍໃຈ.ສິ່ງສຳຄັນຄິດວ່າພຽງແຕ່ໄດ້ເຂົ້າຮ່ວມນຳເພື່ອນມິດຜູ້ຟັງທັງຫຼາຍກໍ່ພໍ,ເພາະການເສັງຄວາມຮູ້ແຕ່ລະຄັ້ງມັນໄດ້ສົ່ງຄວາມຮູ້ໃຫ້ຕົນເອງບໍ່ຫຼາຍກໍ່ໜ້ອຍ.
ຂອບໃຈທ່ານຕົວທໍດາເຊັງຫຼາຍໆທີ່ໄດ້ສົນໃຈແລະສະໜັບສະໜູນລາຍການຂອງພວກເຮົາ.ແລະຂໍແຈ້ງໃຫ້ເພື່ອນມິດຜູ້ຟັງຊາບວ່າ,ແຕ່ວັນ7ພຶດສະພາປີນີ້ເປັນຕົ້ນໄປ,CRIພວກເຮົາໄດ້ເລິ່ມຈັດລາຍການພິເສດຫຼັງຈາກສະເໜີບົດແລະຄຳຖາມໝົດທັງ4ພາກແລ້ວ,ພວກເຮົາຍັງຈະເອົາບົດສະເໜີແລະຄຳຖາມຂຶ້ນເວັບໄຊຂອງCRIແລະການເສັງຄວາມຮູ້ທີ່ພາດຫົວເລື່ອງວ່າ"ເຮົາກັບວິທະຍຸສາກົນແຫ່ງປະເທດຈີນ",ເຊື່ອວ່າ,ຜູ້ຟັງທີ່ຕິດຕາມຮັບຟັງລາຍການຂອງພວກເຮົາໄດ້ຮັບຟັງລາຍການທຸດອາທິດຜ່ານມາແລ້ວ,ທ່ານອາດຈະໄດ້ຮູ້ຄຳຖາມທີ່ພວກເຮົາຕັ້ງໄວ້ໃນລາຍການ,ບໍ່ຕ້ອງຟ້າວຝັ່ງ,ພວກເຮົາໄດ້ກຽມໃບຄຳຖາມຂອງການເສັງຄວາມຮູ້ເທື່ອນີ້ຮຽບຮ້ອຍແລ້ວ,ແລະຈະຝາກໃຫ້ບັນດາເພື່ອນມິດຜູ້ຟັງໃນໄວໆນີ້,ທ່ານພຽງແຕ່ຂີດໃສ່ບ່ອນຫວ່າງທີ່ທ່ານເລືອກເອົາ ແລ້ວຝາກໃບຄຳຖາມຄືນໃຫ້ພວກເຮົາກໍ່ໄດ້ແລ້ວ.ສ່ວນຜູ້ຟັງທີ່ບໍ່ໄດ້ຟັງລາຍການເສັງຄວາມຮູ້ສາມພາກທີ່ໄດ້ອອກອາກາດແລ້ວນັ້ນ,ຢ່າເປັນຫ່ວງ,ພວກເຮົາຍັງຈະກະຈາຍລາຍການເສັງຄວາມຮູ້ຄືນໃໝ່ໃນເດືອນມິຖຸນາແລະເດືອນສິງຫາປີນີ້,ວັນສຸດທ້າຍທີ່ຮັບຄຳຕອບແມ່ນວັນທີ1ກັນຍາປີ2006,ຊົມເຊີຍທ່ານຕິດຕາມຟັງແລະເຂົ້າຮ່ວມການເສັງຄວາມຮູ້.
ໃນຕອນມ້ວນທ້າຍ,ພວກເຮົາຂໍມອບເພງມ່ວນໆເພງໜຶ່ງໃຫ້ແກ່ທ່ານ ຕົວທໍດາເຊັງແລະເພື່ອນມິດຜູ້ຟັງທັງຫຼາຍທີ່ເອົາໃຈໃສ່ນຳລາຍການຂອງພວກເຮົາ,ເພງນີ້ຊື່ວ່າ"ຕ້າຫຼາຍ",ແປວ່າ"ທະເລ".ເອົາລະ,ຕໍ່ໄປພວກເຮົາມາຟັງເພງນີ້ນຳກັນ.
|
