|
ທ່ານອານນານ ເລຂາທິການໃຫຍ່ສະຫະປະຊາຊາດເວົ້າວ່າ ງານໂອລິມປິກປັກກິ່ງຈະໄດ້ຮັບຜົນສຳເລັດຢ່າງເຕັມເມັດເຕັມໜ່ວຍ
cri
Author: cai
ຕາມຂ່າວCRI:ຕາມເວັບໄຊຝ່າຍທາງການຂອງຄະນະຈັດຕັ້ງງານໂອລິມປິກປັກກິ່ງລາຍງານວ່າ,ວັນທີ 23 ພຶດສະພາ,ຢູ່ປັກກິ່ງ,ທ່ານອານນານ ເລຂາທິການໃຫຍ່ສະຫະປະຊາຊາດເວົ້າວ່າ,ທ່ານເຊື່ອວ່າ,ງານໂອລິມປິກປັກກິ່ງຈະໄດ້ຮັບຜົນສຳເລັດຢ່າງເຕັມເມັດເຕັມໜ່ວຍ.
ມື້ດຽວກັນ,ທ່ານອານນານໄດ້ໄປຢ້ຽມຊົມສະໜາມກິລາແຫ່ງຊາດເຊິ່ງເປັນສະໜາມກິລາຕົ້ນຕໍຂອງງານໂອລິມປິກປັກກິ່ງທີ່ພວມສ້າງຢູ່.ພາຍຫຼັງການຢ້ຽມຊົມ,ທ່ານເວົ້າວ່າ,ວຽກງານກະກຽມຈັດງານໂອລິມປິກປັກກິ່ງໄດ້ຮັບຜົນສຳເລັດທີ່ປະຈັກຕາຄົນ,ຂ່າວຄາວທີ່ຄຳຂວັນແລະທັດສະນະຄະຕິຂອງງານໂອລິມປິກປັກກິ່ງສະແດງອອກມານັ້ນໄດ້ຮັບຄວາມເຫັນດີເຫັນພ້ອມໂດຍທົ່ວໄປຈາກປະຊາຄົມໂລກ.ທ່ານເຊື່ອວ່າ,ງານໂອລິມປິກປີ 2008 ຈະໄດ້ຮັບຜົນສຳເລັດຢ່າງເຕັມເມັດເຕັມໜ່ວຍ.
ໂດຍຕອບສະໜອງຄຳເຊີນຂອງລັດຖະບານຈີນ,ທ່ານອານນານໄດ້ເດີນທາງມາຮອດປັກກິ່ງໃນວັນທີ 19 ພຶດສະພາ,ໄດ້ຢ້ຽມຢາມຈີນຢ່າງເປັນທາງການເປັນເວລາ 5 ມື້.
|
|
