|
ຝ່າຍຈີນສະແດງຄວາມບໍ່ພໍໃຈຢ່າງຮຸນແຮງແລະເດັດດ່ຽວຄັດຄ້ານ ບົດລາຍງານປະຈຳປີກ່ຽວກັບກຳລັງການທະຫານຂອງຈີນທີ່ອາເມລິກາປະກາດ
cri
ຕາມຂ່າວສານຊີນຮວາ,ວັນທີ24ພຶດສະພາໃນເວລາຕອບຄຳຖາມຂອງນັກຂ່າວ, ທ່ານລິວຈ້ຽນຊ່າວ ໂຄສົກກະຊວງການຕ່າງປະເທດຈີນກ່າວວ່າ,ຝ່າຍຈີນສະແດງຄວາມບໍ່ພໍໃຈຢ່າງຮຸນແຮງແລະເດັດດ່ຽວຄັດຄ້ານ ບົດລາຍງານປະຈຳປີກ່ຽວກັບກຳລັງການທະຫານຂອງຈີນປີ2006 ທີ່ກະຊວງປ້ອງກັນປະເທດຂອງອາເມລິກາປະກາດຫວ່າງມໍ່ໆນີ້.
ທ່ານລິວຈ້ຽນຊ່າວໄດ້ຕິຕຽນກະຊວງປ້ອງກັນປະເທດຂອງອາເມລິກາທີ່ໄດ້ເວົ້າໂຍກກຳລັງການທະຫານແລະຄ່າໃຊ້ຈ່າຍດ້ານການທະຫານຂອງຈີນ,ແລະສືບຕໍ່ເປີດປ່າວຖ້ອຍຄວາມທີ່ວ່າການຂົ່ມຂູ່ຂອງຈີນ.ທ່ານເວົ້າວ່າ,ປະຊາຄົມໂລກຮັບຮູ້ໂດຍທົ່ວໄປວ່າ,ຈີນແມ່ນກຳລັງສຳຄັນທີ່ຊຸກຍູ້ສັນຕິພາບຂອງພາກພື້ນອາຊີປາຊິຟິກກໍຄືຂອງໂລກ.ໃນຖານເປັນປະເທດທີ່ມີອະທິປະໄຕ,ຈີນດຳເນີນການສ້າງສາປ້ອງກັນປະເທດເພື່ອຮັກສາຄວາມປອດໄພຂອງຊາດແລະປົກປ້ອງຜືນແຜ່ນດິນອັນຄົບຖ້ວນແມ່ນເລື່ອງທີ່ຖືກຕ້ອງຕາມທຳນອງຄອງທຳ.
ທ່ານລິວຈ້ຽນຊ່າວຍັງເວົ້າວ່າ,ໄຕ້ຫວັນແມ່ນດິນແດນສ່ວນໜຶ່ງທີ່ຕັດແຍກອອກບໍ່ໄດ້ຂອງຈີນ,ຝ່າຍຈີນເຕືອນໃຫ້ຝ່າຍອາເມລິກາໂຄລົບນະໂຍບາຍຈີນດຽວ, ປະຕິບັດຕາມປະກາດແຈ້ງການຮ່ວມສາມສະບັບລະຫວ່າງຈີນກັບອາເມລິກາ,ເຊົາຂາຍອາວຸດໃຫ້ໄຕ້ຫວັນ,ບໍ່ສົ່ງສັນຍານຜິດພາດໃດໆໃຫ້ອິດທິກຳລັງທີ່ຕັດແຍກໄຕ້ຫວັນໃຫ້ເປັນເອກະລາດ.
|
|
