|
ຈີນເພີ່ມຄວາມແຮງຊອກຫາກອບກູ້ຊາວປະມົງຫວຽດນາມທີ່ຫາຍສາບສູນ,ຫວຽດນາມຕີລາຄາສູງຕໍ່ການກອບກູ້ຂອງຈີນ
cri
ຕາມຂ່າວCRI,ວັນທີ24ພຶດສະພາ,ທ່ານຫູສຽນເວິນ ເອກອັກຄະລັດຖະທູດຈີນປະຈຳຫວຽດນາມກ່າວວ່າ,ກະຊວງຄົມມະນາຄົມຈີນໄດ້ໄຂກອງປະຊຸມສະເພາະ,ຈັດວາງອີກເທື່ອໜຶ່ງກ່ຽວກັບວຽກງານກອບກູ້ເຮືອຫາປາແລະຊາວປະມົງຂອງຫວຽດນາມທີ່ຫາຍສາບສູນ.ກອງປະຊຸມຕົກລົງສົ່ງກຳລັງກອບກູ້ໄປຕື່ມ,ຂະຫຍາຍບໍລິເວນຊອກຫາ,ເພີ່ມຄວາມແຮງໃນການກອບກູ້ເຮືອຫາປາແລະຊາວປະມົງຫວຽດນາມທີ່ຫາຍສາບສູນ.
ວັນທີ24ພຶດສະພາ,ໜັງສືພິມຂອງຫວຽດນາມເຊັ່ນໜັງສືພິມກວນໂດຍເຍິນເຢິນແລະໜັງສືພິມຮາໂນຍເມີ່ຍເປັນຕົ້ນລ້ວນແຕ່ໃສ່ຫົວຂໍ້ທີ່ການລາຍງານຂ່າວເທື່ອນີ້ວ່າການກອບກູ້ເທິງທະເລສາກົນຂະໜາດໃຫຍ່ກວ່າໝູ່ຂອງຈີນນັບມາຮອດປັດຈຸບັນ,ແນະນຳການກອບກູ້ຊ່ອຍເຫຼືອຂອງຈີນຢ່າງຮອບດ້ານ,ຍ້ອງຍໍຝ່າຍຈີນທີ່ໃຊ້ພາຫະນະຄົມມະນາຄົມທີ່ທັນສະໄໝທີ່ສຸດ,ອອກແຮງສຸດຂີດກອບກູ້ເຮືອຫາປາແລະຊາວປະມົງຫວຽດນາມທີ່ປະສົບອັນຕະລາຍ,ແລະໃຫ້ການສະໜັບສະໜູນດ້ານວັດສະດຸຈຳນວນຫຼວງຫຼາຍແກ່ພວກເຂົາເຈົ້າ.
ທ່ານເຈິນດຶກເລື່ອງ ປະທານປະເທດຫວຽດນາມ,ທ່ານເລຮຸຍໂງ ປະທານຄະນະກຳມະການຊີ້ນຳການປ້ອງກັນນ້ຳຖ້ວມສູນກາງຫວຽດນາມແລະທ່ານອື່ນໆກໍໄດ້ສະແດງຄວາມຂອບອົກຂອບໃຈນຳຝ່າຍຈີນທີ່ກອບກູ້ຊາວປະມົງຫວຽດນາມທີ່ປະສົບລົມໃຕ້ຝຸ່ນ"ເຈິນຈູ່"ຢ່າງທັນການ.
|
|
