|
ທ່ານຜູ່ຟັງທີ່ເຄົາລົບ,ປີນີ້ແມ່ນຈີນອາຊຽນສ້າງການພົວພັນຄູ່ຂາສົນທະນາຄົບຮອບ15ປີແລະປີໄມຕີຈິດຮ່ວມມືລະຫວ່າງຈີນອາຊຽນ,ໃນຖານເປັນໜຶ່ງໃນບັນດາການເຄື່ອນໄຫວລະລຶກ,ກອງປະຊຸມອົງການຈັດຕັ້ງມິດຕະພາບປະຊາຊົນຈີນອາຊຽນໄດ້ຈັດຂຶ້ນຢູ່ປັກກິ່ງໃນຫວ່າງມໍ່ໆນີ້.ອົງການຈັດຕັ້ງມິດຕະພາບປະຊາຊົນຂອງຈີນແລະ10ປະເທດອາຊຽນໄດ້ດຳເນີນການປຶກສາຫາລືຢ່າງກວ້າງຂວາງກ່ຽວກັບການຮ່ວມມືລະຫວ່າງປະຊາຊົນຂອງຈີນກັບອາຊຽນ,ແລະໄດ້ປະກາດຖະແຫຼງການໄມຕີຈິດຮ່ວມມືປະຊາຊົນຈີນອາຊຽນ.ກ່ຽວກັບເລື່ອງນີ້,ນັກຂ່າວວິທະຍຸພວກເຮົາໄດ້ສຳພາດທ່ານສົມພອນ ມະໂນທຳ ກຳມະການສະມາຄົມມິດຕະພາບລາວຈີນ,ທ່ານເຫັນວ່າ,ການໄປມາຫາສູ່ກັນຢ່າງມີໄມຕີຈິດລະຫວ່າງປະຊາຊົນມີຄວາມໝາຍສຳຄັນຕໍ່ການຊຸກຍູ້ການພົວພັນຄູ່ຂາຍຸດທະສາດຈີນອາຊຽນລົງສູ່ລວງເລິກ.
ທ່ານສົມພອນ ມະໂນທຳ ແມ່ນກຳມະການສະມາຄົມມິດຕະພາບລາວຈີນ,ແຕ່ສ້າງຕັ້ງຂຶ້ນເມື່ອປີ1976ມານີ້,ສະມາຄົມມິດຕະພາບລາວຈີນ,ໄດ້ສຸມກຳລັງເຂົ້າໃນການຈັດການເຄື່ອນໄຫວຕ່າງໆເພື່ອຊຸກຍູ້ການແລກປ່ຽນແລະມິດຕະພາບລາວ ຈີນ. ໃນນາມເປັນຜູ່ຕາງໜ້າອົງການຈັດຕັ້ງມິດຕະພາບປະຊາຊົນລາວ,ທ່ານສົມພອນມະໂນທຳກໍໄດ້ເຂົ້າຮ່ວມກອງປະຊຸມອົງການຈັດຕັ້ງມິດຕະພາບປະຊາຊົນຈີນອາຊຽນທີ່ຈັດຂຶ້ນໃນຫວ່າງມໍ່ໆນີ້.ທ່ານເຫັນວ່າ,ກອງປະຊຸມອົງການຈັດຕັ້ງມິດຕະພາບປະຊາຊົນຈີນອາຊຽນໂດຍມີຝ່າຍຈີນເປັນເຈົ້າພາບນັ້ນໄດ້ສະໜອງແທ່ນທຳຄວາມເຂົ້າໃຈກັນໃຫ້ແກ່ອົງການຈັດຕັ້ງມິດຕະພາບປະຊາຊົນຈີນກັບ10ປະເທດອາຊຽນ,ໄດ້ສ້າງພື້ນຖານໃຫ້ແກ່ໄມຕີຈິດຮ່ວມມືລະຫວ່າງຈີນອາຊຽນ,ມີຄວາມໝາຍສຳຄັນຕໍ່ການຊຸກຍູ້ການພົວພັນຄູ່ຂາຍຸດທະສາດຈີນອາຊຽນ.ທ່ານເວົ້າວ່າ:
ອັດສຽງ1
ທ່ານສົມພອນ ມະໂນທຳກ່າວວ່າ,ປັດຈຸບັນ,ສະມາຄົມມິດຕະພາບລາວຈີນພວມພະຍາຍາມສະແຫວງຫາການຍົກລະດັບຂອງສະມາຄົມໃນການເພີ່ມທະວີການຮ່ວມມືແລະແລກປ່ຽນກັນຢ່າງມີໄມຕີຈິດລະຫວ່າງຈີນກັບອາຊຽນ,ປະກອບສ່ວນເທົ່າທີ່ຄວນເຂົ້າໃນການຊຸກຍູ້ການພົວພັນຄູ່ຂາຍຸດທະສາດຈີນອາຊຽນ,ທ່ານກ່າວວ່າ:
ອັດສຽງ2
|
