|
|
 |
| (GMT+08:00)
2006-05-25 18:19:25
|
 |
|
ຈີນຈະອອກແຮງຊຸກຍູ້ພາລະກິດຄົນພິການໃຫ້ພັດທະນາ
cri
Author: cai
ຕາມຂ່າວCRI:ວັນທີ 24 ພຶດສະພາ,ກອງປະຊຸມປະຈຳຂອງຄະນະລັດຖະບານຈີນທີ່ທ່ານເວີ່ນເຈ່ຍປາວ ນາຍົກລັດຖະມົນຕີຈີນນັ່ງເປັນປະທານໄດ້ຕົກລົງວ່າ,ໃນ 5 ປີຂ້າງໜ້ານີ້,ຈີນຈະອອກແຮງຊຸກຍູ້ພາລະກິດຄົນພິການໃຫ້ພັດທະນາ.
ກອງປະຊຸມເທື່ອນີ້ໄດ້ພິຈາລະນາແລະຜ່ານໃນດ້ານຫຼັກການກ່ຽວກັບ《ໂຄງຮ່າງພັດທະນາພາລະກິດຄົນພິການຈີນ》ໃນ 5 ປີຂ້າງໜ້ານີ້.ກອງປະຊຸມຮຽກຮ້ອງວ່າ,ໃນ 5 ປີຂ້າງໜ້ານີ້,ອົງການປົກຄອງທຸກຂັ້ນແລະພາກສ່ວນທີ່ກ່ຽວຂ້ອງຕ້ອງກຳວຽກງານດັ່ງລຸ່ມນີ້ໃຫ້ດີຢ່າງເປັນຈຸດໜັກຄື:ປະຕິບັດໂຄງການຟື້ນຟູສຸຂະພາບແລະກອບກູ້,ເຮັດໃຫ້ຄົນພິການຫຼາຍກວ່າເກົ່າຟື້ນຟູສຸຂະພາບໃນລະດັບຕ່າງກັນ;ຮັບປະກັນສິດຮັບການສຶກສາຂອງຄົນພິການຢ່າງແທ້ຈິງ,ເຮັດວຽກງານປະກອບອາຊີບແລະປະກັນສັງຄົມຂອງຄົນພິການໃຫ້ດີ;ເຮັດວຽກງານບຳບັດຄວາມທຸກຍາກຂອງຄົນພິການໃນຊົນນະບົດໃຫ້ດີ,ເຮັດໃຫ້ຄົນພິການຜູ້ທຸກຍາກຢູ່ຊົນນະບົດ 10 ລ້ານຄົນກິນອິ່ມນຸ່ງອຸ່ນໂດຍພື້ນຖານ,ແລະຍົກລາຍໄດ້ເສດຖະກິດໃຫ້ສູງຂຶ້ນຢ່າງໝັ້ນທ່ຽງເປັນຕົ້ນ.
|
|
|
