|
|
 |
| (GMT+08:00)
2006-05-26 10:43:38
|
 |
|
ຈີນອາເມລິກາເລີ່ມປະຕິບັດໂຄງການຮ່ວມມືປົກປ້ອງສິດຊັບສິນທາງປັນຍາຢູ່ດ່ານພາສີ
cri
Author: shuo
ຕາມຂ່າວສານຊິນຮວາ:ວັນທີ25ພຶດສະພາ,ຢູ່ທີ່ປັກກິ່ງ,ກົມໃຫຍ່ພາສີຈີນກັບກົມພັດທະນາການຄ້າອາເມລິກາໄດ້ຈັດພິທີລົງນາມໃນໂຄງການຮ່ວມມຶປົກປ້ອງສິດຊັບສິນທາງປັນຍາ.
ຕາມການຈັດວາງຂອງໂຄງການ,ລັດຖະບານຈີນແລະອາເມລິກາຈະແຕ່ງຜູ້ຊ່ຽວຊານດ້ານການປົກປ້ອງສິດຊັບສິນທາງປັນຍາ,ແນະນຳກະຕິກາສາກົນກ່ຽວກັບການປົກປ້ອງສິດຊັບສິນທາງປັນຍາຢ່າງເປັນລະບົບຕໍ່ຊັ້ນຄຸ້ມຄອງດ່ານພາສີແລະພະນັກງານແນວໜ້າດ່ານຢູ່ ພາສີຊາຍແດນຂອງຈີນ;ຜູ້ແທນຂອງວົງການວິສາຫະກິດທີ່ກ່ຽວຂ້ອງກໍມີໂອກາດສົນທະນາໂດຍກົງກັບພະນັກງານດ່ານພາສີຈີນກ່ຽວກັບບັນຫາປົກປ້ອງສິດຊັບສິນທາງປັນຍາຂອງຜະລິດຕະພັນຮູບປະທຳຢູ່ຊາຍແດນ.
ໃນພິທີລົງນາມ,ທ່ານຊຸ່ນຊົ່ງຜູ ຮອງຫົວໜ້າກົມໃຫຍ່ພາສີຈີນກ່າວວ່າ,ດ່ານພາສີຈີນເອົາໃຈໃສ່ໃນລະດັບສູງນຳວຽກງານປົກປ້ອງສິດຊັບສິນທາງປັນຍາ,ໄດ້ສຸມກຳລັງເຂົ້າໃນການປົວແປງກົດໝາຍກົດບັນຍັດກ່ຽວກັບການປົກປ້ອງສິດຊັບສິນທາງປັນຍາໃຫ້ດີຂຶ້ນຢ່າງບໍ່ຢຸດຢັ້ງ.
|
|
|
