|
ຈີນຍິນດີເພີ່ມທະວີການສົນທະນາແລະຮ່ວມມືດ້ານພະລັງງານກັບປະເທດຕ່າງໆໃນໂລກ
cri
Author: shuo
ຕາມຂ່າວສານຊິນຮວາ:ວັນທີ25ພຶດສະພາ,ຢູ່ທີ່ປັກກິ່ງ,ທ່ານເຊິ່ງເພີຍຢຽນ ຮອງນາຍົກລັດຖະມົນຕີຈີນກ່າວວ່າ,ຈີນຍິນດີເພີ່ມທະວີການສົນທະນາແລະຮ່ວມມືດ້ານພະລັງງານກັບປະເທດຕ່າງໆໃນໂລກ,ພ້ອມກັນປົກປັກຮັກສາຄວາມປອດໄພແລະສະຖຽນລະພາບດ້ານພະລັງງານຂອງໂລກ.
ທ່ານເຊິ່ງເພີຍຢຽນແມ່ນໃຫ້ທັດສະນະດັ່ງກ່າວໃນເວລາພົບປະຜູ້ຕາງໜ້າຝ່າຍຕ່າງປະເທດບາງທ່ານ ຄື ທ່ານບອບຮອກ ອະດີດນາຍົກລັດຖະມົນຕີອົສຕຼາລີທີ່ມາເຂົ້າຮ່ວມງານສຳມະນາສາກົນພາດຫົວເລື່ອງ"ຄວາມປອດໄພດ້ານພະລັງງານ:ຈີນກັບໂລກ"ຢູ່ຈີນ.
ກ່ຽວກັບບັນຫານຳໃຊ້ພະລັງງານຂອງຈີນ,ທ່ານເຊິ່ງເພີຍຢຽນຍັງກ່າວເນັ້ນວ່າ,ຈີນຍຶດໝັ້ນເດີນຕາມເສັ້ນທາງພັດທະນາແບບຍືນຍົງ,ເອົາໃຈໃສ່ນຳການປະຢັດຊັບພະຍາກອນ,ຍົກປະສິດທິພາບການນຳໃຊ້ໃຫ້ສູງຂຶ້ນ,ແລະຫຼຸດການສິ້ນເປືອງພະລັງງານໃຫ້ໜ້ອຍລົງ.ການສະໜອງພະລັງງານຈະອາໄສພາຍໃນປະເທດ,ຖືຖ່ານຫີນເປັນພື້ນຖານ,ເລັ່ງລັດສ້າງສາແຫຼ່ງຖ່ານຫີນຂະໜາດໃຫຍ່ໃຫ້ໄວເຂົ້າ,ສຳຫຼວດຢັ່ງຊອກນ້ຳມັນເຊື້ອໄຟແລະອາຍແກັສທຳມະຊາດຢ່າງແຂງແຮງກວ່າເກົ່າ,ພ້ອມທັງອອກແຮງພັດທະນາພະລັງງານທີ່ເກີດໃໝ່ໄດ້.
|
|
