|
ອິນໂດເນເຊຍປິດຊາຍແດນທີ່ຕິດກັບຕີມໍຕາເວັນອອກ,ມາເລເຊຍກຽມຖອນຊາວມາເລເຊຍ
cri
Author: da
|
ຕາມຂ່າວສານຊິນຮວາ:ຍ້ອນວ່າສະຖານະການຕີມໍຕາເວັນອອກຊຸດຮ້າຍລົງ,ວັນທີ 26 ພຶດສະພາ ທ່ານຊູຊີໂລ ປະທານາທິບໍດີອິນໂດເນເຊຍໄດ້ອອກຄຳສັ່ງປິດຊາຍແດນທີ່ຕິດກັບຕີມໍຕາເວັນອອກ,ສ່ວນມາເລເຊຍກ່າວສະແດງວ່າກຽມຈະຖອນຊາວມາເລເຊຍສ່ວນໜຶ່ງອອກຈາກຕີມໍຕາເວັນອອກ.
ພາຍຫຼັງທ່ານຊູຊີໂລອອກຄຳສັ່ງໃຫ້ກອງທັບເພີ່ມທະວີຄວາມລະມັດລະວັງແລະປິດຊາຍແດນທີ່ຕິດກັບຕີມໍຕາເວັນອອກແລ້ວ,ກອງທັບປ້ອງກັນປະເທດອິນໂດເນເຊຍທີ່ຢູ່ເຂດຕິດກັບຕີມໍຕາເວັນອອກໄດ້ປິດດ່ານຊາຍແດນທີ່ເຂົ້າອອກຕີມໍຕາເວັນອອກ,ເພື່ອປ້ອງກັນບໍ່ໃຫ້ຊາວອົບພະຍົບຫຼັ່ງໄຫຼເຂົ້າອິນໂດເນເຊຍຢ່າງຫຼວງຫຼາຍ.ໃນຂະນະດຽວກັນ,ກອງທະຫານອິນໂດເນເຊຍໄດ້ກຽມພ້ອມເປັນຢ່າງດີເພື່ອຮັບເອົາຊາວອິນໂດເນເຊຍ 3 ພັນຄົນອອກຈາກຕີມໍຕາເວັນອອກ.
1 2
|
|
