ຕາມໜັງສືພິມເຢັນມິນຢື້ປ້າວສະບັບພົ້ນທະເລຂອງຈີນ: ທະນາຄານຈີນເຊິ່ງແມ່ນໜຶ່ງ​ໃນ 4 ທະ​ນາ​ຄານ​ການຄ້າແຫ່ງລັດຈີນຈະ​ເຂົ້າຕະຫຼາດຫຼັກຊັບຮົງກົງໃນໄວ້ໆນີ້, ຫວ່າງ​ມໍ່ໆ​ນີ້​ຊາວ​ຮົງ​ກົງ​ໄດ້​ເຫີ່​ກັນ​ຮັບ​ຊື້​ບັດ​ຫຸ້ນສ່ວນ. ຜູ່ຮັບຜິດຊອບຈຳໜ່າຍບັດຫຸ້ນສ່ວນ​ທະ​ນາ​ຄານ​ຈີນ​ກ່າວ​ວ່າ, ມີເກີນ 1 ລ້ານຄົນໄດ້ຮັບ​ຊື້​ບັດ​ຫຸ້ນ​ສ່ວນ​ທະນາຄານຈີນ.

ແຕ່ວັນທີ 18 ເຖິງວັນທີ 23 ພຶດສະພາ, ທະ​ນາ​ຄານ​ຈີນ​ໄດ້​ຈຳ​ໜ່າຍ​ບັດ​ຫຸ້ນ​ສ່ວນ​ຢູ່ຮົງກົງ​ຢ່າງ​ເປີດ​ເຜີຍ, ຄາດວ່າຈະ​ເຂົ້າຕະຫຼາດຮົງກົງໃນວັນທີ 1 ມິ​ຖຸ​ນາ. ຍອດ​ມຸນ​ຄ່າ​ບັດ​ຫຸ້ນ​ສ່ວນ​ທີ່​ທະ​ນາ​ຄານ​ຈີນ​ຈະ​ຂາຍຢູ່ຕະ​ຫຼາດ​ຮົງ​ກົງ​ເທື່ອ​ນີ້​ໄດ້​ລື່ນ​ກາຍ 75 ຕື້ 400 ລ້ານ​ໂດ​ລາ​ຮົງ​ກົງ, ​ເຊິ່ງ​ຫຼາຍ​ກວ່າ​ໝູ່​ໃນ​ທົ່ວ​ໂລກ​ໃນ 6 ປີ​ມາ​ນີ້.

ວັນ​ທີ 26 ພຶດສະພາ ຢູ່​ທີ່​ຮົງ​ກົງ, ທ່ານ​ຊຽງ​ກ່າງ ປະທານ​ຄະນະ​ບໍລິຫານ​ທະນາຄານ​ຈີນ​ກ່າວ​ວ່າ, ນີ້​ໄດ້​ສ່ອງ​ແສງ​ໃຫ້​ເຫັນ​ວ່າ ຜູ່​ລົງທຶນ​ສາກົນ​ໄດ້​ເຕັມ​ໄປ​ດ້ວຍ​ຄວາມ​ໝັ້ນ​ໃຈ​ຕໍ່​ການ​ພັດທະນາ​ເສດຖະກິດ​ແລະ​ການ​ປະຕິ​ຮູບ​ໂຄງ​ປະກອບ​ການ​ທະ​ນາ​ຄານ​ຈີນ, ພ້ອມ​ກັນ​ນັ້ນ​ກໍ່​ແມ່ນ​ການ​ຮັບ​ຮອງ​ທະ​ນາ​ຄານ​ຈີນ.