|
ຕາມຂ່າວCRI: ຕອນຄ່ຳວັນທີ 26 ພຶດສະພາ, ທ່ານອານນານ ເລຂາທິການໃຫຍ່ສະຫະປະຊາຊາດທີ່ໄປຢ້ຽມຢາມຢູ່ໄທ ໄດ້ມອບ "ລາງວັນຜົນສຳເລັດຕະຫຼອດຊີວິດແຫ່ງການພັດທະນາມະນຸດ" ຂອງສຳນັກງານວາງແຜນພັດທະນາຂອງສະຫະປະຊາຊາດໃຫ້ພະບາດສົມເດັດພູມິພົນ ອະດຸນຍະເດດ ເຈົ້າຊີວິດໄທ, ເພື່ອຍ້ອງຍໍພະບາດສົມເດັດໄດ້ປະກອບສ່ວນອັນພົ້ນເດັ່ນເຂົ້າໃນການຊຸກຍູ້ການພັດທະນາກະສິກຳແລະການລຶບລ້າງຄວາມທຸກຍາກ.
ນີ້ແມ່ນສະຫະປະຊາຊາດເບີກລາງວັນດັ່ງກ່າວເປັນຄັ້ງທຳອິດ.
ໃນມື້ດຽວກັນ ຢູ່ທີ່ບາງກອກ, ທ່ານອານນານໄດ້ເຂົ້າຮ່ວມສະມາຄົມຄົ້ນຄວ້າ "ເສດຖະກິດກຸ້ມຕົນເອງ" ເຊິ່ງແມ່ນເຈົ້າຊີວິດໄທເປັນຜູ່ລິເລີ່ມ, ແລະໄດ້ເຈລະຈາກັບທ່ານທັກສິນ ຊິນນະວັດ ນາຍົກລັດຖະມົນຕີຮັກສາການແທນຂອງໄທ. ຫຼັງຈາກນັ້ນ ທ່ານອານນານໄດ້ເດີນທາງໄປພະລາຊະນິເວດຂອງພະບາດສົມເດັດພູມິພົນ ອະດຸນຍະເດດທີ່ຫົວຫິນ, ມອບລາງວັນດັ່ງກ່າວໃຫ້ເຈົ້າຊີວິດໄທ, ແລະອວຍພອນພະບາດສົມເດັດພູມິພົນ ອະດຸນຍະເດດສະເຫວີຍລາຊະບັນລັງຄົບຮອບ 60 ປີ.
|
