|
ຕາມຂ່າວcri:ວັນທີ28 ພຶດສະພາ,ທ່ານອູບາງກົວ ປະທານຄະນະປະຈຳສະພາປະຊາຊົນແຫ່ງຊາດຈີນເດີນທາງຈາກໂວໂກກຼາດໄປຮອດໂມສະກູ,ສືບຕໍ່ຢ້ຽມຢາມສັນຖະວະໄມຕີຢູ່ຣັດເຊຍຢ່າງເປັນທາງການ.
ໃນມື້ທີ່ເດີນທາງໄປຮອດໂມສະກູ,ທ່ານອູບາງກົວຈະສຳຫຼວດໂຄງການຕຶກໃຫຍ່ສະຫະພັນຣັດເຊຍທີ່ບໍລິສັດໃຫຍ່ກໍ່ສ້າງຈີນເປັນຜູ້ກໍ່ສ້າງ,ຢ້ຽມຢາມກຳມະກອນຈີນທີ່ເຮັດວຽກຢູ່ແຫ່ງນັ້ນ,ແລະຈະທັດສະນະຈອນສູນຄົ້ນຄວ້າວິທະຍາສາດແລະຜະລິດການບິນອະວະກາດແຫ່ງຊາດຣັດເຊຍ.
ໃນໄລຍະຢູ່ໂມສະກູ,ທ່ານປູຕີນ ປະທານາທິບໍດີ,ນາຍົກລັດຖະມົນຕີແລະປະທານສອງສະພາຣັດເຊຍຈະພົບປະທ່ານອູປາງກົວ,ກົນໄກພົບປະຄັ້ງສາມປີລະຫວ່າງສະພາປະຊາຊົນແຫ່ງຊາດຈີນກັບສະພາດູມາແຫ່ງຊາດຣັດເຊຍກໍ່ຈະເລີ່ມເຮັດວຽກ.ນອກນີ້,ທ່ານອູບາງກົວຍັງຈະເຂົ້າຮ່ວມການພົບປະຂອງປະທານສະພາປະເທດພາຄີອົງການຮ່ວມມືຊຽງໄຮ້.
ຕາມຂ່າວແຈ້ງວ່າ,ວັນທີ27,ໃນເວລາພົບປະທ່ານມາເຄີຢູທາ ຜູ້ວ່າການລັດໂວໂກກຼາດຢູ່ໂວໂກກຼາດ,ທ່ານອູປາງກົວກ່າວວ່າ,ຫວັງໃຫ້ສອງຝ່າຍເສີມຂະຫຍາຍທ່າແຮງຂອງຕົນ,ເປີດກວ້າງຂົງເຂດທີ່ຮ່ວມມືກັນຕ່າງຝ່າຍຕ່າງມີຜົນຢ່າງບໍ່ຢຸດຢັ້ງ,ປະດິດສ້າງແບບວິທີຮ່ວມມືໃໝ່,ຊຸກຍູ້ການພັດທະນາຮ່ວມກັນ.
ມື້ດຽວກັນ,ທ່ານອູປາງກົວຍັງໄດ້ທັດສະນະຈອນຫໍລະລຶກຝູງຮູບປັ້ນວິລະຊົນແລະພາບອ້ອມຝາກ່ຽວກັບບົ້ນລົບປົກປັກຮັກສາສ໌ດາລິນກຼາດທີ່ຕັ້ງຢູ່ເມືອງໂວໂກກຼາດ.
|
