|
ຕາມຂ່າວCRI: ວັນທີ 28 ພຶດສະພາ, ທ່ານຫູຊຶອີ່ ຮອງລັດຖະມົນຕີກະຊວງຊົນລະປະທານຈີນກ່າວວ່າ, ໃນ 5 ປີຂ້າງໜ້າ, ຈີນຈະເພີ່ມທະວີການອະນຸລັກຊັບພະຍາກອນນ້ຳຕື່ມອີກ, ປົກປັກຮັກສາຄວາມປອດໄພດ້ານນ້ຳກິນຂອງປະຊາຊົນແລະຄວາມປອດໄພດ້ານຊີວະພາບຂອງແມ່ນ້ຳ.
ທ່ານຫູສຶອີ່ແມ່ນໃຫ້ທັດສະນະດັ່ງກ່າວໃນກອງປະຊຸມຊັບພະຍາກອນນ້ຳຈີນປີ 2006 ທີ່ໄຂຂຶ້ນຢູ່ເມືອງເອີ້ເອີໂຕ່ຊື່ ທາງພາກຕາເວັນຕົກສຽງເໜືອຂອງຈີນໃນມື້ດຽວກັນ.
ທ່ານກ່າວວ່າ, ໃນ 5 ປີຂ້າງໜ້າ, ຈີນຈະສ້າງລະບອບຄຸ້ມຄອງເຂດແຫຼ່ງນ້ຳກິນ, ເພີ່ມທະວີການຄຸ້ມຄອງຮັບມືສຸກເສີນຕໍ່ເຫດການເຊື່ອມພິດນ້ຳທີ່ໜັກໜ່ວງ; ກຳນົດຄວາມສາມາດແລະຍອດຈຳນວນຮັບສິ່ງເຊື່ອມພິດຢູ່ເຂດນ້ຳ, ວາງແຜນຄວບຄຸມໂດຍແບ່ງເປັນໄລຍະ; ເພີ່ມທະວີການຕິດຕາມວັດແທກແລະເຕືອນໄພດ້ານຊີວະພາບນ້ຳ. ໃນຂະນະດຽວກັນ ອອກແຮງຊຸກຍູ້ການລະບາຍນ້ຳເຂົ້ານາສວນແບບປະຢັດນ້ຳແລະດັດແປງເຕັກນິກປະຢັດນ້ຳໃນຂະແໜງການອຸດສາຫະກຳ, ສົ່ງເສີມການນຳໃຊ້ເຄື່ອງປະຢັດນ້ຳ, ເພື່ອຍົກສູງປະສິດທິພາບການນຳໃຊ້ຊັບພະຍາກອນນ້ຳ.
ປະລິມານຊັບພະຍາກອນນ້ຳຈືດຂອງຈີນສະເລ່ຍຕໍ່ຫົວຄົນແມ່ນ 2300 ແມັດກ້ອນ, ພຽງແຕ່ແມ່ນ 1/4 ຂອງລະດັບສະເລ່ຍຂອງໂລກ, ແມ່ນໜຶ່ງໃນບັນດາປະເທດທີ່ມີຊັບພະຍາກອນນ້ຳສະເລ່ຍຕໍ່ຫົວຄົນໜ້ອຍກວ່າໝູ່ໃນໂລກ. ແຕ່ຈີນຍັງແມ່ນປະເທດທີ່ໃຊ້ນ້ຳຫຼາຍກວ່າໝູ່ໃນໂລກ.
|
