ຕາມ​ຂ່າວສານ​ຊິນ​ຮວາ: ວັນ​ທີ 28 ພຶດສະພາ, ບົນ​ເວທີ​ປາ​ໄສ​ສຸດ​ຍອດ​ອຸດສາ​ຫະ​ກຳ​ເຄື່ອງ​ສຽງ​ແລະ​ພາບ​ສາກົນ​ຈີນ​ປີ 2006 ທີ່​ຈັດ​ຂຶ້ນຢູ່​ຊຽງ​ໄຮ້, ທ່ານ​ລິວ​ໂກ​ສົງ ປະທານ​ສະມາ​ຄົມ​ເຄື່ອງ​ສຽງ​ແລະ​ພາບ​ຈີນ​ກ່າວ​ວ່າ, ​ໃນ 5 ປີ​ຂ້າງ​ໜ້າ​ຈະ​ແມ່ນ​ໄລຍະ​ເຕີບ​ໂຕ​ຢ່າງ​ວ່ອງ​ໄວ​ຂອງ​ຕະ​ຫຼາດ​ດົນ​ຕີ​ດີ​ຈີ​ຕອນ​ຈີນ, ຄາດ​ວ່າ​ຮອດ​ປີ 2010 ຂະໜາດ​ຂອງ​ມັນ​ຈະ​ລື່ນ​ກາຍ 12 ຕື້​ຢວນ.

​ເນື່ອງ​ຈາກ​ດົນຕີ​ດີ​ຈີ​ຕອນ​ຈີນ​ມີ​ທ່ວງທ່າ​ພັດທະນາ​​ແຂງ​ແຮງ, ຕະຫຼາດດົນ​ຕີ​ດີ​ຈີ​ຕອນ​ຈີນ​ໄດ້​ດຶງ​ດູດ​ທຶນ​ຕ່າງປະເທດ​ຢ່າງຫຼວງຫຼາຍ. ພຽງ​ແຕ່​ເຄິ່ງປີ ຄື ​ແຕ່​ເດືອນ​ຕຸລາ​ປີ​ກາຍ​ນີ້​ຮອດ​ເດືອນ​ມີ​ນາ​ປີ​ນີ້, ວົງ​ການ​ດົນຕີ​ດີ​ຈີ​ຕອນ​ຈີນ​ກໍ​ໄດ້​ຮັບ​ການ​ລົງທຶນ​ເກືອບ 700 ລ້ານ​ຢວນ. ປີ​ກາຍ​ນີ້, ຍອດ​ມູນ​ຄ່າ​ຈຳໜ່າຍ​ດົນຕີ​ດີ​ຈີ​ຕອນ​ຈີນ​​ໄດ້​ບັນລຸ​ເຖິງ 3 ຕື້ 600 ລ້ານ​ຢວນ, ລື່ນ​ກາຍ​ມູນ​ຄ່າ​ຈຳ​ໜ່າຍ​ຂອງ​ຕະ​ຫຼາດດົນຕີ​ດັ້ງ​ເດີມ.