|
|
 |
| (GMT+08:00)
2006-05-30 16:06:34
|
 |
|
ນັກວິທະຍາສາດແຊນແປພັນທີ່ພາໃຫ້ຄົນຕຸ້ຍຂຶ້ນ
cri
|
ຜົນການຄົ້ນຄວ້າຂະໜາດໃຫຍ່ລາຍໜຶ່ງທີ່ນັກວິທະຍາສາດອາເມລິກາແລະເອີລົບປະກາດໃນມໍ່ໆນີ້ສະແດງໃຫ້ເຫັນວ່າ, ພະຍາດຕຸ້ຍຂອງມະນຸດເຮົາອາດຈະມີສ່ວນກ່ຽວຂ້ອງກັບແຊນປະເພດໜຶ່ງທີ່ເກີດມີການແປພັນ, ແຊນແປພັນປະເພດນີ້ໄດ້ມີຜົນສະທ້ອນຕໍ່ປະຊາກອນປະມານ10%ຂອງທົ່ວໂລກ.
ອົງການຄົ້ນຄວ້າວິທະຍາສາດ10ກວ່າອົງການເຊັ່ນ: ໂຮງໝໍມະຫາວິທະຍາໄລໂບສຕັນແລະສະຖາບັນສາທາລະນະສຸກມະຫາວິທະຍາໄລຮາເວີດຂອງອາເມລິກາ, ມະຫາວິທະຍາໄລມູນິກແລະມະຫາວິທະຍາໄລອຸດສາຫະກຳມູນິກຂອງເຢຍລະມັນເປັນຕົ້ນໄດ້ດຳເນີນການຄົ້ນຄວ້າລາຍນີ້. ນັກຄົ້ນຄວ້າໄດ້ວິໄຈຂໍ້ມູນຂ່າວສານແຊນຂອງຜູ້ອາສາສະໝັກປະມານ9ພັນຄົນ, ນີ້ແມ່ນໂຄງການຄົ້ນຄວ້າທີ່ມີຂະໜາດໃຫຍ່ກວ່າໝູ່ໂດຍແນໃສ່ພະຍາດຕຸ້ຍແລະແຊນແປພັນນັບມາຮອດປະຈຸບັນ, ຜົນການຄົ້ນຄວ້າລາຍນີ້ໄດ້ປະກາດໃນວາລະສານວິທະຍາສາດທີ່ພິມຈຳໜ່າຍໃນວັນທີ14ພຶດສະພາ.
ທ່ານຄຼິສເຕີແມນ ສາສະດາຈານມະຫາວິທະຍາໄລໂບສຕັນທີ່ນຳພາການຄົ້ນຄວ້າຊີ້ອອກວ່າ, ພວກເພິ່ນຍັງຄາດຄະເນວ່າຍັງມີແຊນຫຼາຍກວ່ານີ້ອີກທີ່ມີການພົວພັນກັບພະຍາດຕຸ້ຍ, ແຕ່ຍ້ອນພາຫະນະດ້ານເຕັກນິກມີຈຳກັດ, ປະຈຸບັນ, ມີແຕ່ຈຳແນກໄດ້ປະເພດໜຶ່ງເທົ່ານັ້ນ. ຜົນການຄົ້ນຄວ້າດັ່ງກ່າວໄດ້ເຜີຍແບຫຼັກມູນຂອງໂມເລກຸນທີ່ມີຜົນສະທ້ອນຕໍ່ພະຍາດຕຸ້ຍ, ໄດ້ຊີ້ທາງໃຫ້ແກ່ການຄົ້ນຄວ້າຜະລິດຢາຕ້ານພະຍາດຕຸ້ຍໃນອະນາຄົດ. ແຕ່ພ້ອມກັນນັ້ນ, ນັກວິທະຍາສາດກໍກ່າວເນັ້ນວ່າ, ບໍ່ຄວນໂຍນໂທດທັງໝົດຂອງພະຍາກຕຸ້ຍໃສ່ແຊນ, ປັດໄຈຫຼັງການເກີດເຊັ່ນອາຫານການກິນເປັນຕົ້ນກໍສຳຄັນທີ່ສຸດ.
|
|
|
