|
ຫວ່າງມໍ່ໆນີ້,ພວກເຮົາໄດ້ຮັບຈົດໝາຍຂອງທ່ານສິງໂຕ ແຊ່ຈ່າວ ທີ່ບ້ານສີມຸງຄຸນ,ເມືອງໄຊຍະບູລີ,ແຂວງໄຊຍະບູລີ.ໃນຈົດໝາຍຂອງທ່ານຂຽນວ່າ,ເພາະຊ່ວງນີ້ກຽມເສັງແດ່ເລີຍບໍ່ຄ່ອຍມີເວລາຮັບຟັງລາຍການຂອງພວກທ່ານເປັນປົກກະຕິປານໃດ,ແຕ່ກໍ່ພະຍາຍາມຫາເວລາຮັບຟັງຢູ່ໂດຍສະເພາະວັນເສົາທີ່ມີລາຍການຄາລົມຄົມຄາຍແລະສາລະຄະດີໜ້າຮູ້ ເຊິ່ງສອງລາຍການນີ້ນ້ອງມັກຟັງທີ່ສຸດ,ຖ້າອາທິດໃດບໍ່ໄດ້ຟັງກໍ່ຄືວ່າກິນເຂົ້າບໍ່ແຊບຢ່າງນັ້ນແຫຼະ,ສ່ວນລາຍການອື່ນກໍ່ມັກຢູ່ເຊັ່ນຈຳພວກຂ່າວປະຈຳວັນ,ແລະລາຍການສອນພາສາຈີນ.
ຂອບໃຈຫຼາຍໆທີ່ທ່ານສິງໂຕ ແຊ່ຈ່າວຕິດຕາມຮັບຟັງແລະສະໜັບສະໜູນລາຍການຂອງພວກເຮົາ,ຂໍໃຫ້ທ່ານຈົ່ງໄດ້ຮັບຄະແນນສູງໃນການສອບເສັງ,ແລະຫວັງວ່າເມື່ອສອບເສັງແລ້ວ,ທ່ານກໍ່ຈະສືບຕໍ່ຕິດຕາມຮັບຟັງລາຍການຂອງພວກເຮົາ.ສ່ວນເພື່ອນມິດຜູ້ຟັງທັງຫຼາຍທີ່ພວມຟັງລາຍການຂອງພວກເຮົາ,ຖ້າວ່າທ່ານມີຄຳຄິດຄຳເຫັນຫຼືຂໍ້ສະເໜີແນວໃດຕໍ່ລາຍການຂອງພວກເຮົາ,ຫຼືວ່າທ່ານມີບັນຫາຫຍັງໃນຊີວິດການເປັນຢູ່ຫຼືມີຄວາມໃນໃຈອີຫຍັງ,ກໍ່ຂໍໃຫ້ທ່ານຈົ່ງຂຽນຈົດໝາຍຫຼືໃຊ້ວິທີອື່ນໆຕິດຕໍ່ກັບພວກເຮົາ,ພວກເຮົາຊົມເຊີຍທ່ານຕິດຕໍ່ກັບພວກເຮົາຫຼາຍ,ພ້ອມກັນນັ້ນ,ກໍ່ຫວັງວ່າລາຍການຂອງພວກເຮົາຄົງຈະມີການຊ່ອຍເຫືຼອໃນຊີວິດການເປັນຢູ່ຂອງທ່ານ.ໃນຕອນມ້ວນທ້າຍ,ພວກເຮົາຂໍມອບເພງມ່ວນໆເພງໜຶ່ງໃຫ້ແກ່ທ່ານສິງໂຕ ແຊ່ຈ່າວ,ທັງມອບໃຫ້ເພື່ອນມິດຜູ້ຟັງທັງຫຼາຍທີ່ເອົາໃຈໃສ່ນຳລາຍການຂອງພວກເຮົາ,ເພງນີ້ຊື່ວ່າ"ປີຈີ້",ແປວ່າ"ປື້ມບັນທຶກ",ເອົາລະ,ຕໍ່ໄປພວກເຮົາມາຟັງເພງນີ້ນຳກັນ.
|
