|
ຈີນຕົກລົງໃຫ້ການຊ່ອຍເຫຼືອທາງວັດສະດຸກູ້ໄພໂດຍດ່ວນທີ່ມີມູນຄ່າເຖິງ 10 ລ້ານຢວນແກ່ອິນໂດເນເຊຍ
cri
Author: min
ຕາມຂ່າວ CRI: ວັນທີ 30 ພຶດສະພາ, ຢູ່ທີ່ປັກກິ່ງ, ທ່ານລິວຈ້ຽນຊ່າວ ໂຄສົກກະຊວງການຕ່າງປະເທດຈີນປະກາດວ່າ, ໂດຍຄຳນຶງເຖິງຄວາມຕ້ອງການຕົວຈິງໃນສະເພາະໜ້າຂອງເຂດປະສົບໄພແຜ່ນດິນໄຫວຂອງອິນໂດເນເຊຍ, ລັດຖະບານຈີນໄດ້ຕົກລົງໃຫ້ການຊ່ອຍເຫຼືອທາງວັດສະດຸກູ້ໄພໂດຍດ່ວນທີ່ມີມູນຄ່າເຖິງ 10 ລ້ານຢວນແກ່ລັດຖະບານອິນໂດເນເຊຍ.
ໃນງານຊຸມນຸມນັກຂ່າວເປັນປະຈຳທີ່ຈັດຂຶ້ນໃນວັນທີ 30 ພຶດສະພາ, ທ່ານລິວຈ້ຽນຊ່າວແນະນຳວ່າ, ພາຍຫຼັງອິນໂດເນເຊຍເກີດໄພແຜ່ນດິນໄຫວແລ້ວ, ລັດຖະບານຈີນໄດ້ໃຊ້ການເຄື່ອນໄຫວຢ່າງວ່ອງໄວ, ໄດ້ໃຫ້ການຊ່ອຍເຫຼືອເປັນເງິນສົດ 2 ລ້ານໂດລາສະຫະລັດແກ່ລັດຖະບານອິນໂດເນເຊຍໂດຍດ່ວນ, ແລະແຕ່ງກອງກອບກູ້ສາກົນຈີນໄປເຂດປະສົບໄພສົມທົບການກູ້ໄພ. ທ່ານລິວຈ້ຽນຊ່າວເວົ້າວ່າ, ພວກຂ້າພະເຈົ້າເຊື່ອໝັ້ນວ່າ, ພາຍໃຕ້ການຊ່ອຍເຫຼືອຂອງປະຊາຄົມໂລກ, ລັດຖະບານແລະປະຊາຊົນອິນໂດເນເຊຍມີຄວາມສາມາດຜ່ານຜ່າຄວາມຫຍຸ້ງຍາກ, ສ້າງບ້ານແປງເມືອງຄືນໃໝ່.
|
|
