|
ຕາມຂ່າວສານຊິນຮວາ: ວັນທີ 30 ພຶດສະພາ, ນັກຂ່າວໄດ້ຊາບຈາກຫ້ອງການຖະແຫຼງຂ່າວກະຊວງກະສິກຳຈີນວ່າ, ແຕ່ເດືອນພຶດສະພາປີນີ້ເປັນຕົ້ນມາ, ຢູ່ບົສວານາແລະດານມາກເປັນຕົ້ນໄດ້ເກີດພະຍາດໄຂ້ຫວັດນົກປະເພດຮ້າຍແຮງ H5N1 ແບບ ຂ. ເພື່ອປ້ອງກັນບໍ່ໃຫ້ພະຍາດດັ່ງກ່າວຈາກຕ່າງປະເທດແຜ່ລະບາດເຂົ້າຈີນ, ປ້ອງກັນຄວາມປອດໄພດ້ານການລ້ຽງສັດ, ຈີນຫ້າມນຳເຂົ້າສັດແລະຜະລິດຕະພັນສັດທີ່ກ່ຽວຂ້ອງໂດຍກົງຫຼືທາງອ້ອມຈາກປະເທດດັ່ງກ່າວ.
ກະຊວງກະສິກຳຈີນກຳນົດໄວ້ວ່າ, ພາຍຫຼັງປະເທດດັ່ງກ່າວເກີດພະຍາດໄຂ້ຫວັດນົກແລ້ວຈຶ່ງຂົນສົ່ງສັດປີກແລະຜະລິດຕະພັນສັດປີກທີ່ກ່ຽວຂ້ອງມານັ້ນ ຈະໃຫ້ຂົນສົ່ງຄືນໄປຫຼືທຳລາຍໄປ; ຫ້າມບໍ່ໃຫ້ສັດປີກແລະຜະລິດຕະພັນສັດປີກທີ່ມາຈາກປະເທດດັ່ງກ່າວເຂົ້າຈີນ; ຕໍ່ພາຫະນະຂົນສົ່ງ ເຊັ່ນ ເຮືອ ຍົນແລະລົດໄຟເປັນຕົ້ນທີ່ຜ່ານຈີນນັ້ນ, ຖ້າເຫັນມີສັດປີກແລະຜະລິດຕະພັນສັດປີກທີ່ມາຈາກປະເທດດັ່ງກ່າວແລ້ວ, ຕ້ອງຫ້າມຂົນລົງ; ຕໍ່ສັດປີກແລະຜະລິດຕະພັນສັດປີກຈາກປະເທດດັ່ງກ່າວທີ່ລັກລອບຂົນສົ່ງເຂົ້າຈີນນັ້ນ ຕ້ອງທຳລາຍໝົດ.
|
