ຕາມ​ຂ່າວສານ​ຊິນ​ຮວາ: ວັນ​ທີ 30 ພຶດສະພາ ຢູ່​ນະຄອນ​ທຽນ​ສິນ, ທ່ານ​ໂຈ່​ວ​ເຊິ່ງ​ສຽນ ຫົວ​ໜ້າ​ກົມ​ໃຫຍ່​ອະນຸລັກ​ສິ່ງ​ແວດ​ລ້ອມ​ແຫ່ງ​ຊາດ​ຈີນ​ກ່າວ​ວ່າ, ຈີນ​ຈະ​ລົງ​ເລິກ​ດຳ​ເນີນ​ການ​ປ້ອງ​ກັນ​ແລະ​ປົວ​ແປງ​ສິ່ງ​ແວດ​ລ້ອມ​ອາກາດ​ຂອງ​ຕົວ​ເມືອງຢ່າງ​ສັງ​ລວມ, ຮອດ​ປີ 2010, ​ເຮັດ​ໃຫ້​ຕົວ​ເມືອງ 65% ຂຶ້ນ​ໄປ​ມີມື້​ອາກາດ​ດີກວມ 80% ຂຶ້ນ​ໄປ​ໃນຕະຫຼອດ​ປີ.

​ໃນ​ກອງ​ປະຊຸມ​ວຽກ​ງານ​ປ້ອງ​ກັນ​ແລະ​ປົວ​ແປງ​ການ​ເຊື່ອມ​ພິດ​ທາງອາກາດ​ທົ່ວ​ປະ​ເທດ, ທ່ານ​ໂຈ່​ວ​ເຊິ່ງສຽນ​ກ່າວ​ວ່າ, ​ໃນ 5 ປີ​ຂ້າງ​ໜ້າ, ຈີນ​ຈະຕັ້ງໜ້າ​ສົ່ງ​ເສີມ​ການ​ນຳ​ໃຊ້​ຊັບ​ພະ​ຍາ​ກອນ​ສະ​ອາດ, ​ເພີ່ມ​ທະວີ​ການ​ປ້ອງ​ກັນ​ແລະ​ປົວ​ແປງ​ຂີ້​ຟຸ່ນ​ໃນ​ຕົວ​ເມືອງ, ປະຕິບັດ​ລະ​ບອບ​ປະ​ກາດ​ຄຸນ​ນະ​ພາ​ບສິ່ງ​ແວດ​ລ້ອມ​ທາງ​ອາກາດ, ປ້ອງ​ກັນ​ແລະ​ປົວ​ແປງ​ສິ່ງ​ແວດ​ລ້ອມ​ທາງ​ອາ​ກາດ​ຂອງ​ຕົວ​ເມືອງຢ່າງ​ສັງ​ລວມ.

ປັດຈຸບັນ, ຈີນ​ໄດ້​ຈໍ່​ຕົວຂຶ້ນ​ເປັນ​ລະບົບ​ນະ​ໂຍບາຍ ກົດ​ບັນຍັດ​ແລະ​ມາດຖານ​ຂອງ​ການ​ປ້ອງ​ກັນ​ແລະ​ປົວ​ແປງ​ການ​ເຊື່ອມ​ພິດທາງ​ອາກາດ​ໃນ​ເບື້ອງ​ຕົ້ນ​ແລ້ວ, ​ໄດ້​ສະ​ໜອງ​ຫຼັກ​ອ້າງ​ອີງ​ດ້ານ​ກົດ​ໝາຍ​ໃຫ້​ແກ່​ການ​ປ້ອງ​ກັນ​ແລະ​ປົວ​ແປງ​ການ​ເຊື່ອມ​ພິດ​ທາງ​ອາ​ກາດ​ຂອງ​ຕົວ​ເມືອງ​ຕື່ມ​ອີກ.