|
|
 |
| (GMT+08:00)
2006-05-31 16:26:12
|
 |
|
ປະຊາຄົມໂລກສືບຕໍ່ຊ່ອຍເຫຼືອອິນໂດເນເຊຍໂດຍດ່ວນ
cri
Author: hb
ຕາມຂ່າວສານຊີນຮວາ,ວັນທີ30ພຶດສະພາ,ປະເທດຕ່າງໆຄືຈີນ ອາເມລິກາແລະມາເລເຊຍພ້ອມດ້ວຍອົງການຈັດຕັ້ງຕ່າງໆເຊັ່ນທະນາຄານພັດທະນາອາຊີແລະອົງການອະນາໄມໂລກເປັນຕົ້ນພາກັນກ່າວວ່າຈະສະໜອງການຊ່ອຍເຫຼືອໃຫ້ແກ່ເຂດປະສົບໄພແຜ່ນດິນໄຫວຂອງອິນໂດເນເຊຍ.
ໃນງານຊຸມນຸມນັກຂ່າວປະຈຳ,ທ່ານລິວຈ້ຽນຊ່າວ ໂຄສົກກະຊວງການຕ່າງປະເທດຈີນກ່າວວ່າ,ເມື່ອອິນໂດເນເຊຍເກີດໄພແຜ່ນດິນໄຫວແລ້ວ,ລັດຖະ ບານຈີນໄດ້ສະໜອງການຊ່ອຍເຫຼືອດ່ວນຕົກເປັນເງິນ2ລ້ານໂດລາສະຫະລັດໃຫ້ແກ່ລັດຖະບານອິນໂດເນເຊຍໃນທັນທີ,ແລະແຕ່ງກອງກອບກູ້ສາກົນຈີນໄປຊ່ອຍກອບກູ້ຢູ່ເຂດປະສົບໄພ.ເມື່ອຄຳນຶງເຖິງຄວາມຕ້ອງການຕົວຈິງຂອງເຂດປະສົບໄພໃນສະເພາະໜ້ານີ້,ລັດຖະບານຈີນຕົກລົງສະໜອງວັດສະດຸກູ້ໄພດ່ວນທີ່ມີມູນຄ່າ10ລ້ານຢວນໃຫ້ແກ່ລັດຖະບານອິນໂດເນເຊຍ.
ທ່ານນາງເປລີໂນ ຮອງໂຄສົກຂອງທຳນຽບຂາວອາເມລິກາປະກາດວ່າ,ນອກຈາກຕົກລົງສະໜອງເງິນຊ່ອຍເຫຼືອເຂດປະສົບໄພຂອງອິດໂດເນເຊຍເພີ່ມຂຶ້ນຮອດ5ລ້ານໂດລາສະຫະລັດແລ້ວ,ອາເມລິກາຍັງໄດ້ແຕ່ງກອງປິ່ນປົວກອງໜຶ່ງຂອງກອງທັບເຮືອສູ້ລົບເທິງບົກຈາກຍີ່ປຸ່ນໄປເຂົ້າຮ່ວມການກອບກູ້ຢູ່ເຂດປະສົບໄພ.
ໂຄສົກອົງການອະນາໄມໂລກກ່າວຢູ່ເຊີແນວວ່າ,ອົງການດັ່ງກ່າວໄດ້ແຕ່ງລົດຍົນຂົນສົ່ງຢຸກຢາ ອຸປະກອນໂທລະຄົມແລະອຸປະກອນປິ່ນປົວໄປເຂດປະສົບໄພແຜ່ນດິນໄຫວຂອງອິນໂດເນເຊຍ,ແລະຈະຊ່ອຍສ້າງລະບົບຕິດຕາມຄວບຄຸມພະ ຍາດຕິດແປດຢູ່ທ້ອງຖິ່ນນັ້ນ,ປ້ອງກັນບໍ່ໃຫ້ໂຣກໂດຍສະເພາະແມ່ນພະຍາດໝາກແດງແຜ່ລະບາດ.
ທະນາຄານພັດທະນາອາຊີໄດ້ອອກປະກາດແຈ້ງການວ່າ,ທະນາຄານດັ່ງ ກ່າວຕົກລົງສະໜອງເງິນຊ່ອຍເຫຼືອດ່ວນ60ລ້ານໂດລາໃຫ້ແກ່ລັດຖະບານອິນໂດເນເຊຍ.
ນອກນັ້ນ,ມື້ດຽວກັນ,ປະເທດຕ່າງໆເຊັ່ນ ມາເລເຊຍ ອາລາບີຊາອູດິດແລະເອມີລາອາລາບເປັນຕົ້ນກໍກ່າວວ່າ,ໄດ້ຫຼືພວມກຽມສະໜອງວັດສະດຸຊ່ອຍເຫຼືອຫຼືຜູ້ກອບກູ້ໃຫ້ອິນໂດເນເຊຍ
|
|
|
