ຕາມຂ່າວສານຊິນຮວາ:ວັນທີ30ພຶດສະພາ,ຢູ່ສຳນັກງານໃຫຍ່ສະຫະປະຊາຊາດທີ່
ນິວຢອກ,ສຳນັກງານວາງແຜນໂຣກເອດສ໌ສະຫະປະຊາຊາດໄດ້ປະກາດບົດລາຍ
ງານປະຈຳປີໂດຍຂຽນວ່າ,ເມື່ອໄດ້ຕໍ່ສູ້ເປັນເວລາ25ປີແລ້ວ,ມະນຸດໄດ້ຮັບການຄືບ
ໜ້າໃນດ້ານປ້ອງກັນແລະຄວບຄຸມໂຣກເອດສ໌ແລ້ວ.

ບົດລາຍງານຂຽນວ່າ,ເຖິງວ່າໃນບາງປະເທດ,ຈຳນວນຜູ້ຕິດເຊື້ອໂຣກເອດສ໌ຍັງເພີ່ມ
ຂຶ້ນຂ້ອນຂ້າງໄວກໍ່ຕາມ,ແຕ່ເມື່ອສັງເກດຈາກສະພາບໃນປະຈຸບັນແລ້ວເຫັນ,ຈຳນວນ
ຜູ້ຕິດເຊື້ອໂຣກເອດສ໌ແມ່ນໝັ້ນທ່ຽງໃນດ້ານກວມລວມ.

ບົດລາຍງານຂຽນວ່າ,ໂຣກເອດສ໌ໄດ້ຮັບການຄວບຄຸມໄວ້ໃນລະດັບໃດໜຶ່ງໃນຂອບ
ເຂດທົ່ວໂລກ,ຕົ້ນຕໍແມ່ນຍ້ອນວ່າເງິນທຶນທີ່ໃຊ້ໃນການປ້ອງກັນແລະປິ່ນປົວໂຣກ
ເອດສ໌ນັ້ນເພີ່ມຂຶ້ນຢ່າງຫຼວງຫຼາຍ,ຄົນເຈັບໄດ້ຮັບຢາປົວພະຍາດຢ່າງງ່າຍກວ່າເກົ່າ,
ປະຊາຊົນມີສະຕິປ້ອງກັນໂຣກເອດສ໌ສູງຂຶ້ນແລະອື່ນໆ.

ບົດລາຍງານຮຽກຮ້ອງບັນດາປະເທດຍົກສະຕິປ້ອງກັນໂຣກເອດສ໌ຂອງຊາວໜຸ່ມໃຫ້
ສູງຂຶ້ນຕື່ມອີກ,ເພີ່ມທະວີການສະກັດກັ້ນການຕິດແປດລະຫວ່າງແມ່ກັບເດັກແດງ,ລົບ
ລ້າງການຈຳແນກຜູ້ເປັນໂຣກເອດສ໌,ແລະເອົາໃຈໃສ່ນຳບັນຫາເດັກກຳພ້າກຳພອຍຍ້ອນ
ໂຣກເອດສ໌.