|
|
 |
| (GMT+08:00)
2006-05-31 18:26:55
|
 |
|
ເວທີປາໄສການຄ້າກັບການລົງທຶນຂອງອົງການອາເປັກຈັດຂຶ້ນຢູ່ຫວຽດນາມ
cri
Author: min
ຕາມຂ່າວສານຊິນຮວາ: ວັນທີ 31 ພຶດສະພາ, ເວທີປາໄສເສດຖະກິດການຄ້າກັບການລົງທຶນຂອງອົງການອາເປັກຈັດຂຶ້ນຢູ່ເມືອງໂຮຈີມິນ ຫວຽດນາມ, ເຈົ້າໜ້າທີ່ລັດຖະບານແລະຜູ້ນຳວົງການການຄ້າປະມານ 300 ຄົນຂອງສະມາຊິກອົງການດັ່ງກ່າວໄດ້ເຂົ້າຮ່ວມກອງປະຊຸມ, ພ້ອມກັນຫາລືເຮັດແນວໃດຊຸກຍູ້ການລົງທຶນທຸລະກິດໃນພາກພື້ນແລະລະຫວ່າງສະມາຊິກຕ່າງໆຢ່າງໄດ້ຜົນແລະຊຸກຍູ້ວາລະປະຊຸມຂອງການພັດທະນາໂດຮາຂແລະອື່ນໆ.
ໂດຍໝູນອ້ອມຫົວຂໍ້ "ສ້າງຄວາມສະດວກໃຫ້ແກ່ການລົງທຶນທຸລະກິດ", ຜູ້ຕາງໜ້າທີ່ຮ່ວມປະຊຸມຈະຫາລືກັນຢ່າງເລິກເຊິ່ງກ່ຽວກັບບັນຫາໃນຫຼາຍຂົງເຂດ, ໂດຍສະເພາະແມ່ນວາລະປະຊຸມການພັດທະນາໂດຮາ, ປັດໄຈທີ່ພາໃຫ້ຈໍ່ຕົວເປັນ ທ່ວງທ່າພັດທະນາຂອງເສດຖະກິດການຄ້າ, ການລົງທຶນກັບການປະດິດສ້າງໃໝ່ເປັນຕົ້ນ.
ທ່ານເຈືອງ ດິງ ຕູແອນ ລັດຖະມົນຕີກະຊວງການຄ້າຫວຽດນາມໄດ້ກ່າວຄຳປາໄສໃນພິທີໄຂເວທີປາໄສວ່າ, ສະມາຊິກອົງການອາເປັກເຕັມໄປດ້ວຍພະລັງແຮງແຫ່ງການພັດທະນາ. ປະຈຸບັນ, ສະມາຊິກອົງການດັ່ງກ່າວໄດ້ກວມເອົາ 45.8% ຂອງຍອດບໍລິມາດການຄ້າໂລກ, ກວມ 57% ຂອງຍອດບໍລິມາດເສດຖະກິດທົ່ວໂລກ, ສ່ວນວິສາຫະກິດຂອງ 21 ສະມາຊິກຂອງອົງການດັ່ງກ່າວໄດ້ມີລະບົບເຄືອຂ່າຍຜະລິດແລະແບ່ງປັນແຮງງານພາຍໃນເຂດແຄ້ວນແລ້ວ.
|
|
|
