ຕາມຂ່າວສານຊິນຮວາ:ວັນທີ1ມິຖຸນາ,ທ່ານບາເກີ ຜູ້ອຳນວຍການໃຫຍ່ກອງທຶນພັດ
ທະນາກະສິກຳຂອງສະຫະປະຊາຊາດທີ່ພວມຢ້ຽມຢາມຈີນກ່າວວ່າ,ໃນໂອກາດທີ່ຈີນ
ສ້າງສາຊົນນະບົດສັງຄົມນິຍົມແບບໃໝ່,ກອງທຶນດັ່ງກ່າວຈະປ່ອຍເງິນກູ້ມູນຄ່າໜ້ອຍ
ແລະໃຫ້ການບໍລິການດ້ານການທະນາຄານອື່ນໆແກ່ຊົນນະບົດທີ່ທຸກຍາກທີ່ສຸດຂອງ
ຈີນ.

ວັນທີ1ມິຖຸນາ,ໃນເວລາໃຫ້ສຳພາດຕໍ່ນັກຂ່າວຢູ່ທີ່ປັກກິ່ງ,ທ່ານບາເກີເຜີຍໃຫ້ຮູ້ວ່າ,ກອງ
ທຶນພັດທະນາກະສິກຳພວມວາງແຜນປະຕິບັດໂຄງການໃໝ່ບຳບັດຄວາມທຸກຍາກຢູ່ຈີນ
ໃນປີນີ້, ໄດ້ເລືອກເອົາບ້ານທຸກຍາກສ່ວນໜຶ່ງຢູ່ເຂດຫ່າງໄກສອກຫຼີກຂອງແຂວງກັ່ນຊູ້
ພາກຕາເວັນຕົກຂອງຈີນເປັນບ່ອນປະຕິບັດໂຄງການ.ກອງທຶນພັດທະນາກະສິກຳຈະ
ຮ່ວມມືກັບສຳນັກງານແຜນການທັນຍາຫານໂລກລົງທຶນເຂົ້າໃນແຜນການດັ່ງກ່າວທີ່ມີ
ຍອດມູນຄ່າລື່ນກາຍ80ລ້ານໂດລາສະຫະລັດ,3ແສນຄອບຄົວຊົນນະບົດຢູ່ທ້ອງຖິ່ນຈະ
ໄດ້ຮັບຜົນປະໂຫຍດໂດຍກົງ.

ແຕ່ປີ1981ມາຮອດປະຈຸບັນ,ກອງທຶນພັດທະນາກະສິກຳໄດ້ສະໜັບສະໜູນ19ໂຄງ
ການບຳບັດຄວາມທຸກຍາກຢູ່ຊົນນະບົດຂອງຈີນ,ໂຄງການເຫຼົ່ານີ້ໄດ້ເຮັດໃຫ້ຊາວກະ
ສິກອນຈີນ15ລ້ານຄົນໄດ້ຮັບຜົນປະໂຫຍດ.