|
|
 |
| (GMT+08:00)
2006-06-02 14:50:56
|
 |
|
ຈີນແລະຫວຽດນາມຢຸດຕິກອບກູ້ເຮືອຫາປາແລະຊາວປະມົງຂອງຫວຽດນາມ
cri
ຕາມຂ່າວCRI,ວັນທີ2ມິຖຸນາຢູ່ທີ່ປັກກິ່ງ,ທ່ານໄຈຈິວກ່າງ ເຈົ້າໜ້າທີ່ກະຊວງຄົມມະນາຄົມຂອງຈີນປະກາດວ່າ,ໂດຍອີງຕາມຂໍ້ກຳນົດທີ່ກ່ຽວຂ້ອງຂອງສົນທິສັນຍາສາກົນ,ວັນທີ2ມິຖຸນາຈີນຫວຽດນາມໄດ້ເຊົາຊອກຄົ້ນແລະກອບກູ້ເຮືອຫາປາແລະຊາວປະມົງທີ່ປະສົບຄວາມອັນຕະລາຍຂອງຫວຽດນາມຢ່າງຂະໜາດໃຫຍ່ແລະມີການຈັດຕັ້ງ.
ພ້ອມກັນນັ້ນ,ທ່ານໄຈຈິວກ່າງຊີ້ອອກວ່າ,ຕາບໃດໄດ້ຮັບຂ່າວທີ່ກ່ຽວຂ້ອງ,ພາກສ່ວນຮັບຜິດຊອບວຽກງານເທິງທະເລຂອງຈີນຈະຈັດຕັ້ງກຳລັງເພື່ອກອບກູ້ອີກເທື່ອໜຶ່ງ.
ຕອນກາງແລະທ້າຍເດືອນພຶດສະພາ,ຍ້ອນຖືກຜົນສະທ້ອນຈາກພາຍຸໄຕ້ຝຸ່ນ"ຈານຈູ",ເຮືອຫາປາ32ລຳແລະຊາວປະມົງຫຼາຍຮ້ອຍຄົນຂອງຫວຽດນາມໄດ້ປະສົບຄວາມອັນຕະລາຍຢູ່ເຂດທະເລມໍ່ເກາະຕົ່ງຊ່າ.ນັບມາຮອດປັດຈຸບັນ,ຝ່າຍຈີນໄດ້ດຳເນີນການກອບກູ້ແບບມະນຸດສະທຳສາກົນຕໍ່ເຮືອຫາປາ22ລຳແລະຊາວປະມົງ 300 ກວ່າຄົນຂອງຫວຽດນາມ.ນີ້ແມ່ນການກອບກູ້ເທິງທະເລສາກົນທີ່ມີຂະໜາດໃຫຍ່ກວ່າໝູ່ທີ່ຈີນຈັດຕັ້ງຈົນຮອດປັດຈຸບັນ.
|
|
|
