|
|
 |
| (GMT+08:00)
2006-06-05 10:26:45
|
 |
|
ເຮືອນແມ່ນເຮືອລຳຫນຶ່ງ
cri
Author: sayvanny
ເຮືອນແມ່ນເຮືອລຳຫນຶ່ງ, ມີຄວາມຮັກແພງກັນໃນເວລາເລື່ອນລອຍເທິງນ້ຳ.
ຢູ່ພາກໃຕ້ຂອງຈີນ, ມີຊາວຫາປາຫລາກຫລາຍທ່ີອາໄສລ້ຽງຊີບຫາປາ, ພວກເຂົາເຈົ້າກິນນອນຢູ່ເທິງເຮືອ,ເດັກນ້ອຍກໍ່ຫລິ້ນຢູ່ເທິງເຮືອ,ເຮືອກໍ່ແມ່ນເຮືອນຂອງພວກເຂົາເຈົ້າ.ການເອົາເຮືອເປັນເຮືອນ ຈະບໍ່ປ່ັນປ່ວນໂພດບໍ່? ແຕ່ວ່າ ຊີວິດການເປັນຢູ່ຂອງພວກເຂົາເຈົ້າຊຳ້ພັດສະຫງົບດີ, ເຖິງວ່າເຮືອຈະນ້ອຍ,ແຕ່ກໍ່ມີເຄື່ອງໃຊ້ໄມ້ສອຍ,ເຄື່ອງຄົວຂົບຄົວກິນຄົບຫມົດສູ່ຢ່າງ.
ເມື່ອຄິດເບິ່ງດີກໍ່ຈະຮູ້ສຶກວ່າ, ເວົ້າສຳລັບພວກເຮົາແລ້ວ, ເຮືອນກໍ່ຄືເຮືອລຳຫນຶ່ງແທ້. ເຮືອຫນ້ອຍໆລຳນີ້ຕ້ອງພາພວກເຮົາແລ່ນຜ່າການເວລາອັນຍາວນານ, ວັນເວລາບໍ່ຫ່ອນຈະຕ່າວກັບຄືນ, ຢູ່ຕໍ່ຫນ້າແມ່ນຫນ້ານ້ຳທ່ີບໍ່ຮູ້ຈັກມັນເລິກຫລືຕື້ນຈັກເທື່ອ,ແຕ່ຍ້ອນໄດ້ຂີ່ໃນເຮືອລຳນີ້ທ່ີລຶ້ງແກວ່ນແລ້ວ, ພວກເຮົາເລີຍບໍ່ຮູ້ສຶກມີຫຍັງຕ່າງ. ຢູ່ອ້ອມຂ້າງພວກເຮົາ, ບາງເທື່ອສະຫງົບ ງຽບ,ບາງເທື່ອມີລົມແຮງຟອງຮ້າຍ,ແຕ່ທະແນມແຕ່ເຮືອລຳນີ້ມັນຫມັ້ນແກ່ນ, ທຸກສິ່ງທຸກຢ່າງກໍ່ຈະກາຍເປັນທີວທັດທ່ີສວຍງາມ. ໂຊກຊາຕາຂອງຄົນເຮົາແມ່ນຄາດຄະເນູ້ບໍ່ໄດ້, ແຕ່ເມື່ອມີເຮືອນ, ມີຄອບຄົວທ່ີຮ່ວມຊາຕາກຳແລ້ວ, ໂຊກຊາຕາຈະເປັນໄປແນວໃດກໍ່ບໍ່ເປັນຕາຢ້ານອີກ.
ນາງຊານເມົາ ນັກປະພັນເຄີຍເວົ້າວ່າ, ເຮືອນ ເວົ້າສຳລັບທຸກຄົນແລ້ວແມ່ນບໍ່ແຫ່ງຄວາມມ່ວນຊື່ນ,ເຖິງຈະທຸກປານໃດກໍ່ຮູ້ສຶກອົບອຸ່ນ.ເຮືອນກໍ່ແມ່ນອ່າວທະເລສຳລັບໃຫ້ທຸກຄົນຫລົບຫລີກເວັ້ນລົມພາຍຸ,ບໍ່ວ່າຈະຖືກທຳຮ້າຍແຮງປານໃດຢູ່ທາງນອກ, ຄົນໃນຄອບຄົວກໍ່ຈະເຊັດນ້ຳຕາໃຫ້ເຈົ້າ, ປອບໃຈເຈົ້າ.ທ່ານເບີນເນີໂຊເວົ້າວ່າ, ເຮືອນແມ່ນແຫ່ງຫນຶ່ງແຫ່ງດຽວໃນໂລກທ່ີເບິ່ງບໍ່ເຫັນຄວາມເສຍໄຊແລະຂໍ້ຂາດຕົກບົກຜ່ອງຂອງເຈົ້າຈັກເທື່ອ,ທັງເຕັມໄປດ້ວຍຄວາມຮັກແພງອັນອົບອຸ່ນ.ແມ່ນແທ້, ເວົ້າສຳລັບຄົນໃນຄອບຄົວແລ້ວ, ຊັບສິນ ຖານະ ແລະຄວາມສຳເລັດຜົນຫລືບ່ໍ,ລ້ວນແຕ່ບໍ່ສຳຄັນ, ສິ່ງທ່ີພວກເຂົາເຈົ້າເອົາໃຈໃສ່ທ່ີສຸດນັ້ນແມ່ນຄວາມສະຫວັດດີພາບແລະຄວາມສຸກຂອງເຈົ້າຢູ່ສະເຫມີ,ຫວັງໃຫ້ເຈົ້າມີຄວາມມ່ວນຊື່ນຕະຫລອດໄປ.
ເຮືອນກໍ່ແມ່ນໂລກ, ແມ່ນໂລກທ່ີເຕັມໄປດ້ວຍຄວາມຮັກແລະບໍ່ມີການແກ່ງແຍ່ງກັນ,ແມ່ນປ້ອມປາການຂອງຫມົດທຸກຄົນ,ແມ່ນອູ່ແຫ່ງີຄວາມສຸກ;ເຮືອນແມ່ນເຮືອລຳຫນຶ່ງ, ໃນເວລາມີຄວາມຮັກແພງໃນເວລາເລື່ອນລອຍເທິງນ້ຳ.ເຮົາອະທິຖານ, ຂໍໃຫ້ໃຕ້ໃບເຮືອທຸກລຳລ້ວນແຕ່ມີເຮືອນທ່ີເຕັມໄປດ້ວຍຄວາມສຸກແລະຄວາມອົບອຸ່ນ.
|
|
|
