|
|
 |
| (GMT+08:00)
2006-06-05 11:19:15
|
 |
|
ແຂວງຢຸນນານຈີນເດັດຂາດບໍ່ຫ່ອນທຳລາຍສິ່ງແວດລ້ອມຊີວະພາບຍ້ອນການພັດທະນາໄຟຟ້ານ້ຳຕົກ
cri
Author: da
ຕາມຂ່າວສານຊິນຮວາ:ວັນທີ 4 ມິຖຸນາ ຜູ້ຮັບຜິດຊອບແຂວງຢຸນນານ ເຂດຊາຍແດນພາກຕາເວັນຕົກສຽງໃຕ້ຂອງຈີນເວົ້າວ່າ,ແຂວງຢຸນນານເດັດຂາດບໍ່ຫ່ອນທຳລາຍສິ່ງແວດລ້ອມຊີວະພາບຍ້ອນການພັດທະນາໄຟຟ້ານ້ຳຕົກ,ເດັດຂາດບໍ່ຫ່ອນຈະສ້າງຜົນສະທ້ອນທາງລົບທີ່ບໍ່ຈຳເປັນໃຫ້ແກ່ຍ່ານໃຕ້ຍ້ອນການພັດທະນາໄຟຟ້ານ້ຳຕົກ.
ວັນທີ 4 ມິຖຸນາ ຢູ່ເມືອງຄຸນມິງ ເທດສະບານແຂວງຢຸນນານ,ທ່ານໄປເອິນເພີຍ ເລຂາຄະນະພັກກອມມູນິດແຂວງຢຸນນານຈີນໄດ້ຕ້ອນຮັບການເຂົ້າສຳພາດຂອງສື່ມວນຊົນຈີນແລະປະເທດອາຊຽນສ່ວນໜຶ່ງ.ທ່ານແນະນຳວ່າ,ໃນຫຼາຍປີມານີ້,ແຂວງຢຸນນານໄດ້ເພີ່ມທະວີການພັດທະນາໄຟຟ້ານ້ຳຕົກ,ແຕ່ໃນຂະບວນການພັດທະນາຊັບພະຍາກອນໄຟຟ້ານ້ຳຕົກ,ແຂວງຢຸນນານໄດ້ເອົາໃຈໃສ່ຊຳລະແກ້ໄຂການພົວພັນລະຫວ່າງການອະນຸລັກຊີວະພາບກັບການພັດທະນາໂດຍຕະຫຼອດ.
ຕາມໄດ້ຊາບ,ຢູ່ໃນແຂວງຢຸນນານ ແມ່ນ້ຳສາຍສຳຄັນມີ 180 ກວ່າສາຍ,ສ່ວນຫຼາຍແມ່ນຍ່ານເໜືອຂອງແມ່ນ້ຳທີ່ໄຫຼເຂົ້າທະເລ,ໃນນັ້ນ ແມ່ນ້ຳສ່ວນໜຶ່ງເປັນແມ່ນ້ຳລະຫວ່າງຊາດ.
ຕາມສະຖິຕິ,ກຳລັງຕິດຕັ້ງເຄື່ອງຈັກຜະລິດໄຟຟ້ານ້ຳຕົກຂອງແຂວງຢຸນນານບັນລຸ 98 ລ້ານກິໂລວັດ.ປີກາຍນີ້,ຕາຂ່າຍໄຟຟ້າຂອງແຂວງຢຸນນານໄດ້ສົ່ງໄຟຟ້າໄປໃຫ້ຫວຽດນາມລື່ນກາຍ 400 ລ້ານກິໂລວັດຕໍ່ຊົ່ວໂມງ.
|
|
|
