ຕາມ​ຂ່າວສານ​ຊິນ​ຮວາ:ວັນ​ທີ4 ມິ​ຖູ​ນາ,ຢູ່​ກາຊາ,ທ່ານ​ຮານີ​ເຢ ນາຍົກລັດຖະມົນຕີລັດຖະບານ​ປົກຄອງ​ຕົນ​ເອງ​ຂອງປະ​ເລັສຕິນ,ຜູ້ນຳ​ຂອງ​ອົງການ​ຮາ​ມາສ​ໄດ້ກ່າວ​ຄຳ​ປາ​ໄສ​,​ເຫັນ​ວ່າຂໍ້​ສະ​ເໜີກ່ຽວ​ກັບ​ການ​ຈັດກາ​ນ​ປ່ອນ​ບັດ​ທົ່ວ​ປວງ​ຊົນຢູ່ປາ​ເລັສຕິນນັ້ນບໍ່​ຊອບ​ກົດໝາຍ.

ທ່ານ​ຮານີ​ເຢກ່າວ​ວ່າ,​ໂດຍພິຈາ​ລະນາ​ຈາກ​ກົດໝາຍ​ພື້ນຖານ​ຂອງ​ປາ​ເລັສຕິນ​ແລ້ວ​ເຫັນ​ວ່າ,ກົດ​ໝາຍ​ບໍ່​ອະນຸ​ຍາດ​ໃຫ້​ຈັດການ​ປ່ອນ​ບັດທົ່ວ​ປວງ​ຊົນ​ຢູ່​ບົນ​ດິນ​ແດນປາ​ເລັສຕິນ.​ເວົ້າ​ສຳ​ລັບ​ດ້ານການ​ເມືອງ​ແລ້ວ​ເຫັນ​ວ່າ,ຂໍ້​ສະ​ເໜີ​ກ່ຽວ​ກັບ​ການ​ປ່ອນ​ບັດທົ່ວ​ປວງ​ຊົນ​ຍິ່ງ​ຕ້ອງການຝ່າຍ​ຕ່າງໆ​ລົງ​ເລິກ​ຄົ້ນຄວ້າ.ທ່ານ​ຍັງ​ຮຽກຮ້ອງ​ທ່ານ​ອາ​ບາສ ປະທານ​ອົງການ​ອຳນາດ​ແຫ່ງ​ຊາດ​ປາ​ເລັສຕິນ​ແລະ​ບັນດາ​ຝ່າຍ​ທີ່​ເຂົ້າ​ຮ່ວມ​ກອງ​ປະຊຸມ​ສົນທະນາ​​ແຫ່ງ​ຊາດຈັດ​ກອງປະຊຸມ​ຢູ່​ກາຊາ.