|
|
 |
| (GMT+08:00)
2006-06-05 11:32:51
|
 |
|
ຈີນປະກາດໜັງສືປົກຂາວກ່ຽວກັບການອະນຸລັກສິ່ງແວດລ້ອມ ຮັບຮອງວ່າຍັງປະເຊີນກັບບັນຫາສິ່ງແວດລ້ອມທີ່ຂ້ຽວຂາດ
cri
Author: da
ຕາມຂ່າວCRI:ວັນທີ 5 ມິຖຸນາແມ່ນວັນສິ່ງແວດລ້ອມຂອງໂລກ,ມື້ດຽວກັນ,ລັດຖະບານຈີນໄດ້ປະກາດໜັງສືປົກຂາວທີ່ມີຫົວຂໍ້ວ່າ"ການອະນຸລັກສິ່ງແວດລ້ອມຂອງຈີນ(ປີ1996-2005)".ໜັງສືປົກຂາວຂຽນວ່າ,ເມື່ອໄດ້ໃຊ້ມາດຕະການອະນຸລັກສິ່ງແວດລ້ອມຕ່າງໆແລ້ວ,ປະຈຸບັນ ທ່ວງທ່າເຊື່ອມພິດສິ່ງແວດລ້ອມແລະການທຳລາຍຊີວະພາບດຸເດືອດຂຶ້ນຂອງຈີນເລີ່ມຜ່ອນຄາຍລົງ,ແຕ່ຍັງຄົງປະເຊີນກັບບັນຫາສິ່ງແວດລ້ອມທີ່ຂ້ຽວຂາດ.
ໜັງສືປົກຂາວແນະນຳວ່າ,ລັດຖະບານຈີນໄດ້ຈັດເອົາການອະນຸລັກສິ່ງແວດລ້ອມເຂົ້າເປັນນະໂຍບາຍແຫ່ງລັດພື້ນຖານລາຍໜຶ່ງແລ້ວ.ໃນ 10 ປີທີ່ຜ່ານມາ,ຈີນໄດ້ລົງທຶນລວມ 950 ຕື້ຢວນໃຊ້ເຂົ້າໃນການປົວແປງສິ່ງແວດລ້ອມທີ່ຖືກເຊື່ອມພິດ.
ພ້ອມກັນນັ້ນ,ໜັງສືປົກຂາວຊີ້ອອກວ່າ,ຈີນພວມຢູ່ໃນໄລຍະເລັ່ງລັດພັດທະນາການໃຫ້ຫັນເປັນອຸດສາຫະກຳແລະຫັນເປັນຕົວເມືອງ,ຄວາມຂັດແຍ່ງກັນລະຫວ່າງຄວາມເຕີບໂຕທາງເສດຖະກິດກັບການອະນຸລັກສິ່ງແວດລ້ອມແມ່ນພົ້ນເດັ່ນທີ່ສຸດ,ສະຖານະການສິ່ງແວດລ້ອມຍັງຄົງຂ້ຽວຂາດທີ່ສຸດ.ໃນເວລາວາງເປົ້າໝາຍພັດທະນາ,ລັດຖະບານຈີນໄດ້ຈັດເອົາການອະນຸລັກສິ່ງແວດລ້ອມໄວ້ໃນຖານະຍຸດທະສາດທີ່ສຳຄັນ.ອີງຕາມແຜນການ,ເມື່ອຮອດປີ2010,ຄຸນນະພາບສິ່ງແວດລ້ອມຂອງເຂດແລະເມືອງຈຸດໜັກຂອງຈີນຈະໄດ້ຮັບການປົວແປງໃຫ້ດີຂຶ້ນ,ທ່ວງທ່າທີ່ສິ່ງແວດລ້ອມຊີວະພາບຊຸດຮ້າຍລົງຈະຖືກສະກັດກັ້ນໃນຂັ້ນພື້ນຖານ.ຍອດບໍລິມາດລະບາຍສິ່ງເຊື່ອມພິດຕົ້ນຕໍຈະຫຼຸດໜ້ອຍລົງ10%,ອັດຕາປູກຕົ້ນໄມ້ຈະສືບຕໍ່ຍົກສູງຂຶ້ນ.
|
|
|
