|
|
 |
| (GMT+08:00)
2006-06-05 18:13:18
|
 |
|
ຫາງສຽງໄຕ້ຫວັນທວງໃຫ້ທ່ານເສີນສຸຍປຽນລາອອກຈາກຕຳແໜ່ງໂດຍໄວ
cri
ຕາມຂ່າວສານຊີນຮວາ,ຍ້ອນວ່າຄອບຄົວແລະຜູ້ໃກ້ຊິດຂອງທ່ານເສີນສຸຍປຽນ ຜູ້ນຳເຈົ້າໜ້າທີ່ໄຕ້ຫວັນພົວພັນເຖິງຄະດີສໍ້ລາດບັງຫຼວງຕ່າງໆ,ເຮັດໃຫ້ມວນຊົນຄຽດແຄ້ນໂດຍທົ່ວໄປ,ໃນຫຼາຍມື້ມານີ້ຫາງສຽງໃນເກາະນອກຈາກຕິຕຽນຢ່າງຮຸນແຮງຕໍ່ທ່ານເສິນສຸຍປຽນຂາດຄຸນສົມບັດແລະບໍ່ມີຄວາມສາມາດແລ້ວ,ສຽງທີ່ທວງໃຫ້ທ່ານລາອອກຕຳແໜ່ງນັ້ນກໍນັບມື້ນັບດັງຂຶ້ນ.
ໜັງສືພິມລຽນເຫີປ້າວຂອງໄຕ້ຫວັນສະບັບວັນທີ4ມິຖຸນາໄດ້ພິມບົດນຳໂດຍເຫັນວ່າ,ປະຊາມະຕິທີ່ທວງໃຫ້ທ່ານເສີນສຸຍປຽນເປັນເຈົ້າການລາອອກຈາກຕຳແໜ່ງນັ້ນໄດ້ສືບຕໍ່ຫຼາຍຂຶ້ນ,ຄວາມເຫັນທີ່ເປັນເອກະສັນກັນໃນສັງຄົມທີ່ທວງໃຫ້ທ່ານເສິນສຸຍປຽນຕ້ອງລາອອກຈາກຕຳແໜ່ງນັ້ນໄດ້ເປັນຮູບເປັນຮ່າງຂຶ້ນ,ທ່ານເສິນສຸຍປຽນຄວນເປັນເຈົ້າການລາອອກຈາກຕຳແໜ່ງ.
ຫວ່າງມໍ່ໆນີ້,ໜັງສືພິມ ມິນເຊິ່ງປ້າວໄດ້ພິມບົດນຳໂດຍຊີ້ອອກວ່າ,ຫວ່າງມໍ່ໆນີ້,ໄດ້ເປີດເຜີຍຂ່າວຕ່າງໆ,ຄືຊື້ເອົາຕຳແໜ່ງເຈົ້າໜ້າທີ່ ກິນສິນບົນແລະຟອກເງິນເປັນຕົ້ນ,ແຕ່ທ່ານເສິນສຸຍປຽນບໍ່ໄດ້ຮັບສາລະພາບຄວາມຜິດຫຼືຂໍອະໄພຈັກເທື່ອ,ຄວາມຊອບທຳທີ່ທ່ານກຳອຳນາດນັ້ນບໍ່ມີຈັກເມັດແລ້ວ.
|
|
|
