|
|
 |
| (GMT+08:00)
2006-06-05 18:38:41
|
 |
|
ເວທີປາໄສການຮ່ວມມືແລະພັດທະນາເຂດສາມຫຼ່ຽມປານລ້ອງແມ່ນ້ຳຈູ່ຈ່ຽງຄັ້ງທີສາມໄດ້ໄຂຂຶ້ນ
cri
ຕາມຂ່າວCRI,ວັນທີ5ມິຖຸນາ,ເວທີປາໄສການຮ່ວມມືແລະພັດທະນາເຂດ ສາມຫຼ່ຽມປານລ້ອງແມ່ນ້ຳຈູ່ຈ່ຽງຄັ້ງທີສາມໄດ້ໄຂຂຶ້ນຢ່ແຂວງຢຸນນານຂອງຈີນ.ທ່ານເຈິ່ງເພີຍຢຽນ ຮອງນາຍົກລັດຖະມົນຕີຈີນໄດ້ສົ່ງຈົດໝາຍອວຍພອນໄປຍັງເວທີປາໄສໂດຍຂຽນວ່າ,ເວທີປາໄສດັ່ງກ່າວໄດ້ເສີມຂະຫຍາຍບົດບາດອັນຕັ້ງໜ້າໃນການຊຸກຍູ້ໃຫ້ການຮ່ວມມືຂອງເຂດດັ່ງກ່າວພັດທະນາກວ້າງອອກແລະລົງສູ່ລວງເລິກ.
ຕາມໄດ້ຊາບ,ເວທີປາໄສເທື່ອນີ້ຈະສຳມະນາກ່ຽວກັບການຊຸກຍູ້ການຮ່ວມມືກໍ່ສ້າງພື້ນຖານໂຄງລ່າງສຳຄັນໃນພາກພື້ນນີ້ແລະເລັ່ງລັດການຮ່ວມມືໃນຂົງເຂດຕ່າງໆ,ເຊັ່ນຄົມມະນາຄົມ ພະລັງງານແລະການທ່ອງທ່ຽວເປັນຕົ້ນ.ເວທີປາໄສຍັງຈະເສີມຂະຫຍາຍທ່າແຮງຂອງພາກພື້ນດັ່ງກ່າວຄືຢູ່ແປະກັບອາຊີອາຄະເນແລະອາຊີໃຕ້,ຮ່ວມກັນຫາລືເຮັດແນວໃດເປີດກວ້າງຊ່ອງຫວ່າງຮ່ວມມືກັບຕ່າງປະເທດ.
ເຂດສາມຫຼ່ຽມປານລ້ອງແມ່ນ້ຳຈູຈ່ຽງລວມມີ,9ເຂດແຂວງພາກໃຕ້ຂອງຈີນຄືແຂວງກວາງຕຸ້ງແລະແຂວງຢຸນນານເປັນຕົ້ນພ້ອມດ້ວຍເຂດບໍລິຫານພິເສດຮົງກົງແລະມາກາວ.
ຜູ້ວ່າການບໍລິຫານ11ທ່ານທີ່ມາຈາກພາກພື້ນດັ່ງກ່າວແລະແຂກອາຊຽນສ່ວນໜຶ່ງໄດ້ເຂົ້າຮ່ວມພິທີໄຂເວທີປາໄສທີ່ຈັດຂຶ້ນປີລະເທື່ອ.
|
|
|
