|
ຈີນກ່າວເນັ້ນວ່າ,ຕ້ອງພະຍາຍາມຫັນປ່ຽນທ່ວງທ່າຊຸດຮ້າຍລົງຂອງຊີວະພາບ
cri
Author: shuo
ຕາມຂ່າວCRI:ວັນທີ5ມິຖຸນາ,ຢູ່ທີ່ປັກກິ່ງ,ໃນເວລາເຂົ້າຮ່ວມເວທີປາໄສຊັ້ນສູງກ່ຽວກັບຄວາມປອດໄພຊີວະພາບຂອງຈີນ,ທ່ານເຈິ່ງເພີຍອຽນ ຮອງນາຍົກລັດຖະມົນຕີຈີນກ່າວເນັ້ນວ່າ,ສະຖານະການຊີວະພາບຂອງຈີນຍັງຂ້ຽວຂາດທີ່ສຸດ,ຕ້ອງລະດົມຂົນຂວາຍກຳລັງທົ່ວສັງຄົມ,ໃຊ້ມາດຕະການທີ່ບັງເກີດຜົນຢ່າງແທ້ຈິງ,ຫັນປ່ຽນທ່ວງທ່າຊຸດຮ້າຍລົງຂອງຊີວະພາບ.
ທ່ານເຈິ່ງເພີຍອຽນກ່າວວ່າ,ຈີນຈະຄວບຄຸມການເຄື່ອນໄຫວເສດຖະກິດໃຫ້ຢູ່ພາຍໃນກຳ ລັງທົນຮັບໄດ້ຂອງຊີວະພາບທຳມະຊາດ;ເພີ່ມທະວີການປ້ອງກັນແລະປົວແປງການເຊື່ອມພິດສິ່ງແວດລ້ອມ,ຖືການປ້ອງກັນແລະປົວແປງການເຊື່ອມພິດນ້ຳ ອາກາດແລະທີ່ດິນເປັນວຽກງານອະນຸລັກສິ່ງແວດລ້ອມທີ່ສຳຄັນກວ່າໝູ່;ນອກນີ້,ຍັງຕ້ອງປ້ອງກັນເຫດການສິ່ງແວດລ້ອມທີ່ເກີດຂຶ້ນຢ່າງກະທັນຫັນນັ້ນຢ່າງບັງເກີດຜົນ,ຍົກສະຕິຄວາມປອດໄພຊີວະພາບຂອງທົ່ວສັງຄົມໃຫ້ສູງຂຶ້ນ,ເພີ່ມທະວີການແລກປ່ຽນແລະຮ່ວມມືກັບຕ່າງປະເທດດ້ານສິ່ງແວດລ້ອມ.
|
|
