|
ບົດລາຍງານສະບັບໜຶ່ງທີ່ສະຖາບັນຄົ້ນຄວ້າໂຣກມະເຮັງແຫ່ງຊາດຝຣັ່ງປະກາດໃນມໍ່ໆນີ້ຊີ້ອອກວ່າ, ເພີ່ມວິຕາມິນDຢ່າງເໝາະສົມຈະຫຼຸດອັດຕາເປັນໂຣກມະເຮັງໃຫ້ຕ່ຳລົງ, ສ່ວນການຕາກແດດແມ່ນວິທີທີ່ງ່າຍແລະໄດ້ຜົນທີ່ສຸດໃນການເພີ່ມວິຕາມິນD.
ນັກຄົ້ນຄວ້າຂອງອົງການດັ່ງກ່າວໄດ້ຕິດຕາມສຳຫຼວດເພດຊາຍ4ໝື່ນ8ພັນຄົນເປັນເວລາ5ປີ. ຜົນການສຳຫຼວດສະແດງໃຫ້ເຫັນວ່າ, ແຕ່ລະມື້ຖ້າຮ່າງກາຍຮັບເອົາວິຕາມິນDເພີ່ມຂຶ້ນ1ພັນ5ຮ້ອຍຫົວໜ່ວຍສາກົນ, ຈະເຮັດໃຫ້ອັດຕາເປັນໂຣກມະເຮັງຕ່ຳລົງ17%, ອັດຕາຕາຍຍ້ອນໂຣກມະເຮັງຕ່ຳລົງ29%. ຜົນການຄົ້ນຄວ້າລາຍນີ້ໄດ້ເຮັດໃຫ້ນັກວິທະຍາສາດເຊື່ອໝັ້ນຕື່ມອີກວ່າ, ວິຕາມິນDມີບົດບາດຕ້ານໂຣກມະເຮັງໄດ້ໃນລະດັບໃດອັນແນ່ນອນ.
ນັກຄົ້ນຄວ້າຊີ້ອອກວ່າ, ໃນອາຫານການກິນແຕ່ລະມື້ຂອງແຕ່ລະຄົນ, ມີວິຕາມິນD 400ຫົວໜ່ວຍສາກົນກໍພໍແລ້ວ, ເວົ້າສຳລັບຄົນທີ່ຜິວໜັງແຂງແຮງດີນັ້ນ, ແຕ່ລະມື້ຕາກແດດ30ນາທີຈະເຮັດໃຫ້ໃນຮ່າງກາຍສັງເຄາະວິຕາມິນDໄດ້2ໝື່ນຫົວໜ່ວຍສາກົນ, ສະນັ້ນ, ຕາກແດດແມ່ນວິທີສຳຄັນທີ່ເຮັດໃຫ້ຮ່າງກາຍຄົນເຮົາມີວິຕາມິນDຢ່າງພຽງພໍ.
ພ້ອມກັນນັ້ນ, ນັກຄົ້ນຄວ້າເຕືອນວ່າ, ຢ່ານຶກວ່າວິຕາມິນDສຳຄັນແລ້ວພາກັນກິນຢາວິຕາມິນ, ເພາະວ່າຖ້າກິນຢາວິຕາມິນDຫຼາຍເກີນຄວນ, ຈະພາໃຫ້ເກີດບັນຫາສຸຂະພາບຕ່າງໆເຊັ່ນ: ພະຍາດເລືອດມີການຊີອົມຫຼາຍແລະເດັກນ້ອຍຈະມີປົມດ້ອຍໃນໄລຍະເຕີບໃຫຍ່. ນອກນີ້, ເວລາຕາກແດດກໍຕ້ອງເໝາະສົມ, ຕາກແດດຫຼາຍໂພດກໍບໍ່ດີ.
|
