ເຮົາແມ່ນແສງແກ້ວ,ມື້ນີ້,ເຮົາຂໍຈັດລາຍການ"ຂົວອາກາດ".ພາກນີ້ຫວ່າງມໍ່ໆນີ້,ພວກເຮົາໄດ້ຮັບຈົດໝາຍຂອງນາງນະພາທີ່ຝາກມາຈາກບາງກອກປະເທດໄທ.ຈົດໝາຍກ້ານນີ້ຂຽນດ້ວຍພາສາຈີນ,ໃນຈົດໝາຍ,ນາງໄດ້ອວຍພອນໃຫ້ພະນັກງານພາກພາສາລາວໝົດທຸກຄົນວິທະຍຸສາກົນແຫ່ງປະເທດຈີນຈົ່ງຢູ່ດີມີສຸກ,ແລະໄດ້ຖາມຂ່າວຫາຕໍ່ແສງແກ້ວເປັນພິເສດ,ເວົ້າວ່າເພິ່ນຄິດເຖິງແສງແກ້ວຫຼາຍ.ເຮົາຢາກບອກນະພາວ່າເຮົາກໍ່ຄິດຮອດເຈົ້າຫຼາຍ.ດົນແລ້ວບໍ່ໄດ້ພົບກັນ,ເຈົ້າສະບາຍດີຢູ່ບໍ່?ສຸຂະພາບແຂງແຮງດີບໍ່?ໄດ້ປະສົບຄວາມສະດວກແລະຜົນສຳເລັດໃນວຽກງານຫຼືບໍ່?ສ່ວນເຮົາເອງກໍ່ສະບາຍດີຢູ່,ຫວັງວ່າຖ້າມີໂອກາດຈະໄດ້ພົບກັບເອື້ອຍອີກ.ນະທີ່ນີ້,ເຮົາຂໍຕາງໜ້າພະນັກງານພາກພາສາລາວໝົດທຸກຄົນອວຍພອນໃຫ້ເອື້ອຍຈົ່ງມີສຸຂະພາບເຂັ້ມແຂງແລະມີຄວາມສຸກຕະຫຼອດຊີວິດ.
ໃນຈົດໝາຍ,ນາງນະພາຍັງເວົ້າວ່າເພິ່ນງຢາກເຂົ້າຮ່ວມການເສັງຄວາມຮູ້ທີ່ວິທະຍຸພວກເຮົາຈັດຂຶ້ນ,ສະນັ້ນ,ກໍ່ຂໍໃຫ້ເອື້ອຍຕິດຕາມຮັບຟັງລາຍການ"ເຮົາກັບວິທະຍຸສາກົນແຫ່ງປະເທດຈີນ"ທີ່ອອກອາກາດໃນທຸກວັນອາທິດ,ໃນນັ້ນໄດ້ຈັດໃຫ້ມີການເສັງຄວາມຮູ້.ພວກເຮົາຈະຝາກໃບຄຳຖາມຂອງການເສັງຄວາມຮູ້ເທື່ອນີ້ໃຫ້ເອື້ອຍ,ເມື່ອເອື້ອຍຂຽນຄຳຕອບແລ້ວ,ຝາກຄືນໃຫ້ພວກເຮົາກ່ອນວັນທີ1ກັນຍາປີນີ້ນະທີ່ນີ້,ພວກເຮົາກໍຂໍອວຍພອນໃຫ້ນາງຈົ່ງໄດ້ຮັບຜົນສຳເລັດໃນການເສັງຄວາມຮູ້ເທື່ອນີ້.ພ້ອມກັນນັ້ນ,ກໍ່ຫວັງໃຫ້ເພື່ອນມິດຜູ້ຟັງທັງຫຼາຍຈົ່ງທີ່ພວມຟັງ ວິທະຍຸຢູ່ດຽວນີ້ເຂົ້າຮ່ວມການເສັງຄວາມຮູ້ເທື່ອນີ້ຢ່າງຕັ້ງໜ້າ,ເພື່ອລະລຶກວິທະຍຸສາກົນແຫ່ງປະເທດຈີນສ້າງຕັ້ງຂຶ້ນຄົບຮອບ65ປີ.
ໃນຕອນມ້ວນທ້າຍ,ພວກເຮົາຂໍຈັດເພງມ່ວນໆເພງໜຶ່ງໃຫ້ແກ່ນາງນະພາແລະເພື່ອນມິດຜູ້ຟັງທັງຫຼາຍທີ່ພວມຟັງລາຍການຂອງພວກເຮົາ,ເພງນີ້ຊື່ວ່າ"ນີເຕົ້າດີອ້າຍຊຸຍ"ແປວ່າ"ເຈົ້າຮັກໃຜແທ້".
|