|
ຫວ່າງມໍ່ໆນີ້,ພວກເຮົາໄດ້ຮັບຈົດໝາຍຂອງນ້ອງກະແຕ ເທບສຸວັນ ທີ່ວຽງຈັນ.ນ້ອງກະແຕຂຽນວ່ານີ້ເປັນຄັ້ງທຳອິດຂອງນ້ອງທີ່ໄດ້ຂຽນຈົດໝາຍມາຫາພວກເຮົາ.ໃນຈົດໝາຍນ້ອງກະແຕຍັງໄດ້ລົມເຖິງສາມາດຮຽນພາສາຈີນຂອງນ້ອງ,ຂຽນວ່າ:ເອື້ອຍຂອງນ້ອງໄດ້ຊວນນ້ອງໃຫ້ມາຮຽນພາສາຈີນນຳກັນ,ເພິ່ນໄດ້ອະທິບາຍຫຼາຍສິ່ງຫຼາຍຢ່າງກ່ຽວກັບCRIໃຫ້ນ້ອງຟັງ,ນ້ອງຈິ່ງເກີດມີຄວາມສົນໃຈທີ່ຢາກຈະຮຽນພາສາຈີນ.ທຸກມື້ເມື່ອເຖິງເວລາອອກອາກາດຂອງສະຖານີແລ້ວນ້ອງກັບເອື້ອຍຂອງນ້ອງກໍ່ຈະພາກັນເປີດວິທະຍຸຟັງລາຍການສອນພາສາຈີນ,ເມື່ອໃດມີເວລາຫວ່າງກໍຈະເອົາບົດຮຽນທີ່ໄດ້ຮຽນຈາກລາຍການມາເວົ້າສົນທະນາກັນ.ໃນຕອນມ້ວນທ້າຍຂອງຈົດໝາຍ,ນ້ອງກະແຕຂຽນວ່າ, ນ້ອງກໍ່ມີຄວາມຍິນດີເປັນຢ່າງຍິ່ງທີ່ໄດ້ຂຽນຈົດໝາຍສະບັບນີ້ມາຍັງສະຖານີເພື່ອທີ່ຈະໄດ້ທຳຄວາມຮູ້ຈັກກັບພວກທ່ານ,ແລະນ້ອງເອງກໍ່ຫວັງວ່າຈົດໝາຍສະບັບນີ້ຄົງຈະສ້າງຄວາມຜູກມິດສຳພັນລະຫວ່າງນ້ອງກັບCRIດ້ວຍ.
ພວກເຮົາຮູ້ສຶກດີໃຈຫຼາຍທີ່ໄດ້ຮັບຈົດໝາຍຂອງນ້ອງກະແຕ,ຂອບໃຈນ້ອງທີ່ຕິດຕາມຮັບຟັງລາຍການຂອງພວກເຮົາໂດຍຕະຫຼອດ,ໃນເວລາຮຽນພາສາຈີນ,ຖ້ານ້ອງຍັງມີຫຍັງບໍ່ເຂົ້າໃຈກໍຂໍຂຽນຈົດໝາຍໃຫ້ພວກເຮົາ,ພວກເຮົາຈະຕອບໃຫ້,ແລະຫວັງວ່ານ້ອງຮຽນພາສາຈີນຈະໄດ້ຜົນສຳເລັດ,ຕໍ່ໄປພາຍໜ້າ ສາມາດຂຽນຈົດໝາຍດ້ວຍພາສາຈີນໃຫ້ພວກເຮົາ.ພ້ອມກັນນັ້ນ,ກໍ່ຫວັງໃຫ້ເພື່ອນມິດຜູ້ຟັງອື່ນໆຕັ້ງໜ້າແລກປ່ຽນຄວາມຄຶດຄວາມຮູ້ສຶກໃນຊີວິດການເປັນຢູ່ຂອງຕົນກັບ ພວກເຮົາ,ຫືຼວ່າທ່ານມີຂໍ້ສະເໜີຫຍັງກ່ຽວກັບລາຍການຂອງພວກເຮົາກໍຂໍຂຽນຈົດໝາຍໃຫ້ພວກເຮົາ,ນະທີ່ນີ້,ພວກເຮົາຂອບໃຈລ່ວງໜ້າ.
ໃນຕອນສຸດທ້າຍ,ພວກເຮົາຂໍຈັດເພງມ່ວນໆເພງໜຶ່ງໃຫ້ແກ່ນ້ອງກະແຕແລະເພື່ອນມິດຜູ້ຟັງທີ່ພວມຟັງລາຍການຂອງພວກເຮົາ,ເພງນີ້ຊື່ວ່າ"ຊີວໂຟ",ແປວ່າ"ວິ່ງວອນພະພຸດທະເຈົ້າ"
|
