|
ຕາມຂ່າວສານຊິນຮວາ: ວັນທີ 6 ມິຖຸນາ, ທ່ານຊູຊີໂລ ປະທານາທິບໍດີອິນໂດເນເຊຍໄດ້ເຈລະຈາກັບທ່ານລາມສ໌ຟິວ ລັດຖະມົນຕີກະຊວງປ້ອງກັນປະເທດອາເມລິກາທີ່ໄປຢ້ຽມຢາມ, ສອງຝ່າຍກ່າວວ່າ ຈະພະຍາຍາມຮັກສາການພົວພັນທາງການທະຫານລະຫວ່າງສອງປະເທດເປັນປົກກະຕິ.
ໂຄສົກທຳນຽບປະທານາທິບໍດີອິນໂດເນເຊຍກ່າວວ່າ, ໃນການເຈລະຈາ ທ່ານຊູຊີໂລໄດ້ເນັ້ນໜັກຄວາມສຳຄັນຂອງການເພີ່ມທະວີການຮັບມືກັບ "ການຂົ່ມຂູ່ທີ່ບໍ່ແມ່ນດັ້ງເດີມ" ເຊັ່ນ ໄພທຳມະຊາດເປັນຕົ້ນ. ທ່ານລາມສ໌ຟິວກໍກ່າວສະໜັບສະໜູນການສ້າງການພົວພັນຮ່ວມມືທາງການທະຫານທີ່ຖາວອນລະຫວ່າງສອງປະເທດ.
ປີ 1999, ອາເມລິກາໄດ້ປະກາດຢຸດຕິການພົວພັນທາງການທະຫານກັບອິນໂດເນເຊຍແລະຫ້າມຂາຍອາວຸດໃຫ້ອິນໂດເນເຊຍ ໂດຍອ້າງວ່າຝ່າຍທະຫານອິນໂດເນເຊຍລະເມີດສິດທິມະນຸດຢູ່ຕີມໍຕາເວັນອອກ. ເດືອນພະຈິກປີ 2005, ອາເມລິກາໄດ້ຟື້ນຟູການພົວພັນຮ່ວມມືທາງການທະຫານກັບອິນໂດເນເຊຍ.
|
