|
ຕາມຂ່າວສານຊິນຮວາ: ຫວ່າງມໍ່ໆນີ້ ທ່ານເຈໂຣ ວາຈິກ ລັດຖະມົນຕີກະຊວງວັດທະນະທຳແລະການທ່ອງທ່ຽວແຫ່ງອິນໂດເນເຊຍໄດ້ລົງກວດກາວຽກງານຢູ່ເຂດໂຢກຢາກາຕາ, ທ່ານກ່າວວ່າ, ຊັບພະຍາກອນແລະໂຄງລ່າງການທ່ອງທ່ຽວຂອງເຂດໂຢກຢາກາຕາຖືກແຜ່ນດິນໄຫວທຳລາຍຢ່າງສາຫັດ, ກະວ່າຄວາມເສຍຫາຍດ້ານເສດຖະກິດຂອງຂະແໜງການທ່ອງທ່ຽວຂອງເຂດດັ່ງກ່າວມີເຖິງ 60%.
ບຸກຄົນພາຍໃນວົງການເຜີຍໃຫ້ຮູ້ວ່າ, ໂດຍພິຈາລະນາຈາກຄວາມປອດໄພ, ພາຍຫຼັງເກີດແຜ່ນດິນໄຫວແລ້ວ ແຂກທ່ອງທ່ຽວຢ່າງຫຼວງຫຼາຍໄດ້ປະລະແຜນການໄປທ່ຽວຢູ່ໂຢກຢາກາຕາຫຼືຍົກເລີກແຜນການເດີນທາງທີ່ຕົກລົງແລ້ວນັ້ນ, ເຂດທ່ອງທ່ຽວແລະໂຮງແຮມຫຼາຍແຫ່ງກໍ່ບໍ່ສາມາດເປີດທຸລະກິດຢ່າງເປັນປົກກະຕິຍ້ອນຖືກທຳລາຍໃນລະດັບຕ່າງກັນໃນແຜ່ນດິນໄຫວ, ພາໃຫ້ຂະໜາດການທ່ອງທ່ຽວຂອງເຂດໂຢກຢາກາຕາໄດ້ຫຼຸດລົງຢ່າງຫຼວງຫຼາຍເມື່ອທຽບກັບໄລຍະກ່ອນເກີດແຜ່ນດິນໄຫວ.
ເຂດໂຢກຢາກາຕາຕັ້ງຢູ່ແຂວງຊາວາກາງ, ແມ່ນເຂດທ່ອງທ່ຽວໃຫຍ່ທີສອງຂອງອິນໂດເນເຊຍ.
|
