|
ໜັງສືພິມອາເມລິກາຂຽນວ່າ,ສາມັນຊົນອີຣັກທີ່ຖືກກອງທະຫານອາເມລິກາຍິງຕາຍນັ້ນຢ່າງໜ້ອຍມີຫຼາຍຮ້ອຍຄົນ
cri
Author: shuo
ຕາມຂ່າວສານຊິນຮວາ:ວັນທີ6ມິຖຸນາ,ໜັງສືພິມວອນສຕຼິດລາຍວັນໄດ້ນຳເອົາຄຳເວົ້າຂອງເຈົ້າໜ້າທີ່ກອງທະຫານອາເມລິກາປະຈຳອີຣັກມາສັນນິຖານວ່າ,ແຕ່ອາເມລິກາກໍ່ສົງຄາມອີຣັກໃນປີ2003ເປັນຕົ້ນມາ,ຢ່າງໜ້ອຍໄດ້ມີສາມັນຊົນອີຣັກຫຼາຍຮ້ອຍຄົນຖືກຍິງຕາຍຢູ່ບ່ອນກວດກາຫຼືທາງຫຼວງ.ມີຊາວອີຣັກຈຳນວນໜຶ່ງຕິຕຽນທະຫານອາເມລິກາໝິ່ນປະໝາດຊີວິດຂອງປະຊາຊົນອີຣັກ,ມັກຍິງປືນຕາມລຳພັງໃຈ.
ເຈົ້າໜ້າທີ່ກອງທະຫານອາເມລິກາກ່າວວ່າ,ເຫດການປະເພດນີ້ສ່ວນຫຼາຍແມ່ນເກີດຂຶ້ນຍ້ອນຜູ້ຂັບລົດຂອງອີຣັກບໍ່ໄດ້ທຳປະຕິກິລິຍາຢ່າງທັນການຕໍ່ຄຳກ່າວເຕືອນຂອງທະຫານອາເມລິກາຫຼືວ່າແມ່ນຍ້ອນສອງຝ່າຍເຂົ້າໃຈຜິດ.
ໃນເບື້ອງຕົ້ນ,ກອງທະຫານອາເມລິກາບໍ່ເອົາຫົວຊານຳເຫດການປະເພດນີ້,ແຕ່ຍ້ອນກຳລັງໜີບຂອງຫາງສຽງ,ເດືອນກໍລະກົດປີ2005,ກອງທະຫານອາເມລິກາຈຶ່ງເລີ່ມທຳສະຖິຕິຈຳນວນສາ ມັນຊົນອີຣັກທີ່ຕາຍແລະບາດເຈັບຍ້ອນເຫດການປະເພດນີ້,ແລະໄດ້ດຳເນີນການອົບຮົມທີ່ກ່ຽວຂ້ອງຕໍ່ກອງທະຫານອາເມລິກາປະຈຳອີຣັກ,ຈຶ່ງເຮັດໃຫ້ຈຳນວນສາມັນຊົນອີຣັກທີ່ຖືກກອງທະຫານອາເມລິກາຍິງຕາຍຢູ່ບ່ອນກວດກາແລະທາງຫຼວງນັ້ນຄ່ອຍໆຫຼຸດໜ້ອຍລົງ.
|
|
