|
ນາງຟ້ານເວີຍສີກັບເພງຂອງນາງ
cri
Author: mo
|
ສະບາຍດີທ່ານຜູ້ຟັງທີ່ເຄົາລົບ, ຊົມເຊີຍທ່ານຮັບຟັງລາຍການຢ່ອນອາລົມໃນວັນເສົາ, ຂ້າພະເຈົ້າແມ່ນແສງແກ້ວ. ຫວ່າງມໍ່ໆນີ້, ນາງຟ້ານເວີຍສີ ນັກຮ້ອງໄຕ້ຫວັນຈີນໄດ້ອັດຈຳໜ່າຍCDແຜ່ນໃໝ່ທີ່ຊື່ວ່າ"Yi bi yi" ໜຶ່ງຕໍ່ໜຶ່ງ. ໃນລາຍການມື້ນີ້, ແສງແກ້ວຂໍແນະນຳເພງໃນCDແຜ່ນນີ້ສູ່ທ່ານຟັງ.
"ໃນທີ່ສຸດ, ເຮົາທັງສອງເຖິງຈະນັ່ງປິ່ນໜ້າໃສ່ກັນ ກໍບໍ່ມີຫຍັງຈະເວົ້າ, ເຈົ້າຈະເວົ້າໃຫ້ແຈ້ງໆແລ້ວຈິ່ງຈາກໄປບໍ່? ກັບດົນຕີທີ່ເຈົ້າໃຫ້ຂ້ອຍນັ້ນ, ເຫຼືອແຕ່ຄວາມຫງ່ວມເຫງົາປິ່ນຢູ່ບໍ່ເຊົາ, ຮ້ອງເພງທີ່ຂ້ອຍມັກທີ່ສຸດ, ແຕ່ຟັງແນວໃດກໍຮູ້ສຶກລ່ຳໃລ; ເຈົ້າຢາກໜີ, ກໍຮີບໜີ, ຂ້ອບຈ່ອງເຈົ້າໄວ້ບໍ່ໄດ້, ຂ້ອຍບໍ່ມີຄວາມແນ່ໃຈຕໍ່ຄວາມຮັກແລ້ວ, ແລະກໍບໍ່ມີແຮງເວົ້າກັບເຈົ້າວ່າ, ຂ້ອຍຈັ່ງແມ່ນຮັກເຈົ້າຫຼາຍອີ່ຫຼີ!"
ທີ່ຟັງມານັ້ນແມ່ນເພງ"Duo mo duo mo ai ni" ຈັ່ງແມ່ນຮັກເຈົ້າຫຼາຍອີ່ຫຼີ. ຂັບຮ້ອງໂດຍນາງຟ້ານເວີຍສີ.
ນາງຟ້ານເວີຍສີເຄີຍເປັນນາງແບບ, ເມື່ອ 5 ປີກ່ອນ, ຍ້ອນມັກດົນຕີ, ນາງໄດ້ປະໂອກາດທີ່ຈະໄດ້ກາຍເປັນນາງແບບຊັ້ນສູງ, ແລ້ວຈາກເວທີເດີນແບບໄປສູ່ເວທີເພງ. ປັດຈຸບັນ, ນາງແບບຫຼາຍໆຄົນມີໜ້າມີຕາປະຈັກຕາຄົນຊາວໂລກ, ແຕ່ນາງຟ້ານເວີຍສີພັດບໍ່ເຄີຍກິນແໜງຍ້ອນການຄັດເລືອກຂອງຕົນຈັກເທື່ອ. ແຕ່ຂຶ້ນສູ່ເວທີເພງ 5 ປີມານີ້, ນາງໄດ້ອັດຈຳໜ່າຍCD 5 ແຜ່ນແລ້ວ, CD 4 ແຜ່ນທຳອິດລ້ວນແຕ່ແມ່ນເພງລະບາຍອາລົມທີ່ໜ້າອອນຊອນ, ແຕ່CDໃໝ່ທີ່ນຳອອກຫວ່າງບໍ່ດົນນີ້ທີ່ໃຫ້ຊື່ວ່າ "Yi bi yi" ໜຶ່ງຕໍ່ໜຶ່ງ ໄດ້ສະແດງໃຫ້ເຫັນເອກະລັກດົນຕີທີ່ຕ່າງກັບແຕ່ກ່ອນ. CDແຜ່ນນີ້ແຕ່ງໂດຍຜູ້ຜະລິດທີ່ມີຊື່ສຽງ 6 ຄົນເຊັ່ນທ່ານຖາວເຈີ ທ່ານເສີນເວີຍ ແລະທ່ານວາງຈື້ພີງເປັນຕົ້ນ, ມີທຳນອງຫຼາຍຢ່າງ. ຕໍ່ໄປເຊີນຟັງເພງຊື່ດຽວກັນກັບCDແຜ່ນນີ້ຄືເພງ"Yi bi yi" ໜຶ່ງຕໍ່ໜຶ່ງ, ເພງນີ້ມີຈັງຫວະໄວ, ເຕັມໄປດ້ວຍຄວາມຫ້າວຫັນ, ທ່ານຖາວເຈີເປັນຜູ້ແຕ່ງສຳລັບໃຫ້ນາງຟ້ານເວີຍສີຮ້ອງທັງເປັນຜູ້ຜະລິດ, ທ່ານຖາວເຈີກັບນາງຟ້ານເວີຍສີຮ້ອງປະສານສຽງກັນ, ມ່ວນຫຼາຍ, ເໝືອນດັ່ງສຽງສະຫວັນ, ມີຄວາມສົດຊື່ນປານອາກາດຫຼັງຝົນເອື້ອນ.
"ຂ້ອຍບໍ່ໄດ້ເວົ້າຫຍັງເທື່ອ, ແຕ່ຂ້ອຍຄິດຈັ່ງໃດເຈົ້າກໍເວົ້າຖືກໝົດ, ໃນເວລາເຈົ້າຫງ່ວມເຫງົາ, ເຈົ້າຕ້ອງຄິດເຫັນຂ້ອຍກ່ອນໝູ່, ຄວາມມ່ວນຊື່ນຊ້ຳກັນຫຼາຍເທື່ອ, ແຕ່ລະມື້ບໍ່ເວົ້າກໍເຂົ້າໃຈກັນດີ, ຂ້ອຍຮັກເຈົ້ານັບມື້ນັບແນ່ນອນ, ໃກ້ຊິດເຈົ້າທຸກບາດກ້າວ, ບໍ່ໄດ້ເອົາໃຈໃສ່ເໝືອນກັບລົມຫາຍໃຈ, ຮັກເຈົ້າແມ່ນຄວາມຕ້ອງການ, ມື້ອື່ນໃນຊີວິດເຈົ້າຈະຕ້ອງມີຂ້ອຍ."
ໜຶ່ງປີຫຼັງ, ນາງຟ້ານເວີຍສີໄດ້ອັດຈຳໜ່າຍCDແຜ່ນໃໝ່ອີກ. ອາດເວົ້າໄດ້ວ່າໃນປີນັ້ນ ນາງຂຸ້ນວຽກຫຼາຍ. ນອກຈາກຖ່າຍທຳເລື່ອງໂທລະພາບເລື່ອງໜຶ່ງແລ້ວ, ນາງຍັງໄດ້ໄປໂຄສະນາແລະສະແດງຢູ່ຕາມອາຊີອາຄະເນແລະເຂດໃນຈີນເລື້ອຍໆ. ເມື່ອມີເວລາຫວ່າງ, ນາງຟ້ານເວີຍສີຍັງຮຽນແຕ້ມຮູບແລະແຕ່ງເພງ. ໃນCDແຜ່ນນີ້, ມີເພງ"Bu mian" ນອນບໍ່ຫຼັບ ເຊິ່ງນາງຟ້ານເວີຍສີເປັນຜູ້ແຕ່ງທຳນອງ. ທ່ານຢາງມິງເສ ໝູ່ຮັກແພງຂອງນາງແຕ່ງເນື້ອຮ້ອງກ່ອນເຖີງແກ່ກຳ, ເມື່ອນາງອ່ານເນື້ອຮ້ອງແລ້ວນາງກະຕຸ້ນໃຈຈົນນອນບໍ່ຫຼັບໝົດຄືນ, ຈຶ່ງແຕ່ງທຳນອງໃສ່ສຳເລັດໃນຄືນດຽວ. ເພງນີ້ສີເສົ້າໆ, ສະແດງໃຫ້ເຫັນຄວາມຄິດຮອດຄິດເຖິງໝູ່ເພື່ອນ. ຕໍ່ໄປເຊີນຟັງເພງນີ້ນຳກັນ.
ເນື້ອເພງມີຢູ່ວ່າ: "ໃນຍາມຮຸ່ງເຊົ້າ, ບັນຍາກາດກຽດຄ້ານ, ຂ້ອຍນອນບໍ່ຫຼັບແຕ່ກໍຕື່ນບໍ່ໄດ້, ຄືກັບເສຍຂວັນອີກ, ນັ່ງເບິ່ງດວງຕາເວັນໂພ່ຂຶ້ນ, ພັດຄິດວ່າແມ່ນຕາເວັນຄ້ອຍຄ່ຳ, ສຽງນົກຮ້ອງແຈ້ວໆພາໃຫ້ຂ້ອຍຕື່ນ, ຈຶ່ງຮູ້ວ່າຕົນໄດ້ເດີນຜ່ານມາຕະຫຼອດຊີວິດ."
ຕໍ່ໄປເຊີນຟັງເພງ"jiu shi ni" ກໍ່ແມ່ນເຈົ້າ. ຂັບຮ້ອງໂດຍນາງຟ້ານເວີຍສີ. ເນື້ອເພງມີຢູ່ວ່າ, "ນອກຈາກຮັກຕົນເອງແລ້ວ, ຂ້ອຍຍິ່ງຮັກເຈົ້າ, ເຖິງວ່າບໍ່ງາມຄືເພັດ, ພັດມີສະເໜພິເສດໜຶ່ງບໍ່ມີສອງ, ຂ້ອຍມັກນິໄສຂອງເຈົ້າ, ມັກກິລິຍາຂອງເຈົ້າ, ພົບເຫັນເຈົ້າ, ຂ້ອຍບໍ່ຢ້າຍຄວາມຫຍຸ້ງຍາກ, ເຊື່ອໝັ້ນຕົນເອງ, ຄຳຕອບກໍ່ແມ່ນເຈົ້າ."
ທີ່ຟັງມານັ້ນແມ່ນເພງ"jiu shi ni" ກໍ່ແມ່ນເຈົ້າ. ການສະແດງຂອງຄະນະດົນຕີເຈັມໄຕ້ຫວັນໃນເພງດັ່ງກ່າວ, ເຮັດໃຫ້ຜູ້ຟັງຮູ້ສຶກໃໝ່ຫູໃໝ່ຕາ.
ສຸດທ້າຍ, ເຊີນຟັງເພງ qiu qian ໂອນຊາ, ເພງລະບາຍອາລົມໃນCDແຜ່ນໃໝ່ຂອງນາງຟ້ານເວີຍສີ. ເພງນີ້ໄດ້ວາດພາບການຫວນຄືດຄວາມຮັກຄັ້ງແລກອັນບໍລິສຸດຂອງຄົນທັງຫຼາຍ. ເນື້ອເພງມີຢູ່ວ່າ, "ໃນເວລາຂີ່ໂອນຊາ, ເຈົ້າຈັບມືຂ້ອຍ, ແຫງນເບິ່ງທ້ອງຟ້າ, ມີຄວາມກະຕຸ້ນໃຈອັນດີງາມຢູ່ອ້ອມຂ້າງຂ້ອຍ, ເວລານັ້ນ, ເຈົ້າປິ່ນຫຼັງໃສ່ຂ້ອຍ, ແລະເວົ້າກັບຂ້ອຍວ່າ, ຈື່ໄວ້ເດີ້, ທ້ອງຟ້າຈະມີຄວາມຝັນອັນສວຍງາມກວ່າເກົ່າ. ພວກເຮົານັດກັນວ່າຕ້ອງຖ້າຮອດມື້ທີ່ພົບກັນອີກ, ເຊື່ອວ່າ, ຄົງບໍ່ປ່ຽນໃຈ.
ທ່ານຜູ້ຟັງທີ່ເຄົາລົບ, ລາຍການພາກນີ້ໄດ້ສະເໜີເພງໃນCDແຜ່ນໃໝ່ຂອງນາງຟ້ານເວີຍສີ. ລາຍການຢ່ອນອາລົມໃນວັນເສົາພາກນີ້ຂໍຈົບລົງທໍ່ນີ້, ຂອບໃຈທ່ານທີ່ຮັບຟັງ, ສະບາຍດີ.
|
|
