|
ຖ້າທ່ານມາທ່ຽວຕົວ ເມືອງຂອງຈີນ,ເມື່ອທ່ານພົບເຫັນລົດເມຄັນໜຶ່ງທີ່ມີຮູບນອກທຳມະດາທີ່ສຸດ,ລົດນີ້ກໍແມ່ນລົດຍົນໄຟຟ້າ ເຊິ່ງຄົນທັງຫຼາຍເອີ້ນເປັນລົດອະນາຄົດ.ຍ້ອນລົດຍົນຊະນິດນີ້ປະຢັດພະລັງງານແລະອະນຸລັກສິ່ງແວດລ້ອມ,ສະນັ້ນ,ປະຈຸບັນ,ລົດແມ່ໄຟຟ້າແບບໃໝ່ພວມຮັບການນຳໃຊ້ໃນຊີວິດການເປັນຢູ່ຂອງຄົນຈີນ.
ໃນຫວ່າງກ່ອນນີ້ບໍ່ດົນ,ຈີນໄດ້ຂຶ້ນລາຄານ້ຳມັນເຊື້ອໄຟສຳເລັດຮູບຢູ່ພາຍໃນປະເທດອີກເທື່ອໜຶ່ງ,ທັງນີ້ໄດ້ເຮັດໃຫ້ລາຍຈ່າຍຂອງຜູ້ມີລົດຫຼາຍຂຶ້ນຕື່ມ,ທ່ານຈ່າງຢຸ້ຍທີ່ເມືອງເສິນ ຢາງ ຕົວເມືອງພາກຕາເວັນອອກສຽງເໜືອຂອງຈີນກໍແມ່ນຜູ້ໜຶ່ງ.ທ່ານຈ່າງຢຸ້ຍເວົ້າວ່າ:"ບໍ່ເທົ່າໃດເດືອນມານີ້,ລາຄານ້ຳມັນຖີບສູງຂຶ້ນຢ່າງຕໍ່ເນື່ອງກັນ,ປະຈຸບັນນີ້,ລາຍຈ່າຍຄ່ານ້ຳ ມັນທຸກເດືອນຫຼາຍພໍສົມຄວນ.ນອກນີ້,ລົດຍົນໃຊ້ນ້ຳມັນຫຼາຍປານນີ້ກໍບໍ່ມີຜົນດີຕໍ່ສິ່ງແວດລ້ອມ.ຖ້າມື້ໃດ,ລົດຍົນບໍ່ໃຊ້ນ້ຳມັນອີກກໍຈະດີແທ້ດີວ່າແລ້ວ."
ຄວາມຄິດຂອງທ່ານຈ່າງຢຸ້ຍບໍ່ແມ່ນເລື່ອງໄຟ່ຝັນ,ທີ່ຈິງແລ້ວ,ລົດທີ່ບໍ່ໃຊ້ນ້ຳມັນແຕ່ໃຊ້ພະ ລັງໄຟຟ້າເປັນແມ່ແຮງນັ້ນໄດ້ນັບມື້ນັບໃກ້ກັບຊີວິດການເປັນຢູ່ຂອງຄົນຈີນ.ແຕ່ຈີນເລີ່ມ ຄົ້ນຄວ້າລົດແມ່ໄຟຟ້າໃນຊຸມປີ90ສະຕະວັດແລ້ວນີ້ເປັນຕົ້ນມາ,ປະຈຸບັນນີ້,ລົດແມ່ໄຟ ຟ້າຫຼາຍຊະນິດທີ່ຈີນອອກແບບແລະຜະລິດໂດຍຕົນເອງນັ້ນໄດ້ແລ່ນອອກຈາກຫ້ອງທົດລອງ,ຮັບການນຳໃຊ້ຢ່າງເປັນທາງການ.ຕາມຊາບວ່າ,ລົດແມ່ໄຟຟ້າເຫຼົ່ານີ້ແບ່ງເປັນສາມປະເພດ,ໜຶ່ງແມ່ນອາໄສໝໍ້ໄຟຢູ່ໃນລົດເປັນແມ່ແຮງ;ສອງແມ່ນລົດແມ່ແຮງປະສົມ,ທັງອາໄສນ້ຳມັນທັງອາໄສໄຟຟ້າ;ຍັງມີອີກແນວໜຶ່ງແມ່ນລົດໃຊ້ໄຟຟ້າທີ່ຜະລິດໂດຍອາຍອິດໂດຼແຊນນັ້ນເປັນແມ່ແຮງ.
ທ່ານນາງຮານເຄີ່ຂອງມະຫາວິທະຍາໄລວິທະຍາສາດແລະການຊ່າງປັກກິ່ງໄດ້ເຂົ້າຮ່ວມ ຄົ້ນຄວ້າຜະລິດລົດແມ່ໄຟຟ້າໂດຍຕະຫຼອດ,ເພິ່ນບອກນັກຂ່າວວ່າ,ປະຈຸບັນນີ້,ລົດແມ່ໄຟ ຟ້າທີ່ຄົ້ນຄວ້າຜະລິດໂດຍມະຫາວິທະຍາໄລວິທະຍາສາດແລະການຊ່າງປັກກິ່ງນັ້ນໄດ້ໃຊ້ເປັນລົດເມ,ແລະໄດ້ເລີ່ມບໍລິການແລ້ວ:"ລົດເມຊະນິດນີ້ມີຮູບນອກຄືກັນກັບລົດເມທຳມະດາ,ມີແຕ່ອັນໜຶ່ງຕ່າງກັນ,ມັນເປັນລົດເມໄຟຟ້າລ້ວນໆທີ່ໃຊ້ໝໍ້ໄຟ.ໝໍ້ໄຟຂອງມັນຄືກັນກັບຖ່ານໄຟຟ້າທີ່ໃຊ້ໃນມືຖືຂອງພວກເຮົາ,ສາກໄຟຟ້າໂດຍກົງໄດ້.ລົດເມຊະນິດນີ້ສາກໄຟຟ້າເທື່ອໜຶ່ງແລ່ນໄດ້150ຫາ300ກວ່າກິໂລແມັດ,ປະຈຸບັນນີ້,ລົດເມຊະນິດນີ້ໄດ້ຂົນສົ່ງຜູ້ໂດຍ ສານໃນສາຍ121ຂອງນະຄອນປັກກິ່ງແລ້ວ."
ຢູ່ສະຖານນີໃຫຍ່ລົດເມສາຍ121ປັກກິ່ງ,ນັກຂ່າວໄດ້ເຫັນ,ລົດເມແມ່ໄຟຟ້າສິບກວ່າຄັນຈອດເປັນແຖວ,ລໍຖ້າອອກເດີນທາງເປັນລຳດັບ.ຜູ້ຂັບລົດແນະນຳວ່າ,ໃນເວລາອອກເດີນ ທາງ,ລົດເມໄຟຟ້າຊະນິດນີ້ສຽງຄ່ອຍ ສັ່ນສະເທືອນບໍ່ແຮງ,ໃນເວລາແລ່ນຢູ່ຕາມທາງສຽງກໍບໍ່ແຮງ,ຢູ່ໃນລົດກໍບໍ່ມີກິ່ນນ້ຳມັນ.ນາງຊູ່ຊິ້ວໝິນ ຜູ້ໂດຍສານຜູ້ໜຶ່ງບອກນັກຂ່າວວ່າ,ຖ້າທຽບໃສ່ລົດໃຊ້ນ້ຳມັນແລ້ວ,ນາງມັກຂີ່ລົດແມ່ໄຟຟ້າຊະນິດນີ້ຫຼາຍກວ່າ.ນາງເວົ້າວ່າ:"ເຮົາຮູ້ສຶກວ່າ,ໃນເວລາຂີ່,ລົດເມໄຟຟ້າບໍ່ຕ່າງຫຍັງກັບລົດເມນ້ຳມັນເຊື້ອໄຟ.ແຕ່ວ່າ,ລົດເມໄຟ ຟ້າຊະນິດນີ້ລະບາຍສິ່ງເຊື່ອມພິດໜ້ອຍທີ່ສຸດ,ຖ້າໃຊ້ລົດເມທີ່ໃຊ້ນ້ຳມັນເຊື້ອໄຟໜ້ອຍ,ໃຊ້ລົດຍົນໄຟຟ້າຫຼາຍ,ຄຸນນະພາບອາກາດຂອງປັກກິ່ງຍ່ອມຈະດີຂຶ້ນຫຼາຍ."
ປະຈຸບັນນີ້,ນອກຈາກຢູ່ປັກກິ່ງແລ້ວ,ໄທເມືອງຂອງຫຼາຍຕົວເມືອງເຊັ່ນອູຮ້ານ ທຽນສິນແລະເວີ່ຍໄຫເປັນຕົ້ນກໍຂີ່ລົດເມໄຟຟ້າໄປເຂົ້າການແລະເລີກການແລ້ວ.ລົດຍົນໄຟຟ້າຊະ ນິດນີ້ເຮັດວຽກຍາມກາງເວັນ,ສາກໄຟຟ້າຍາມກາງຄືນ,ເພາະວ່າຍາມກາງຄືນຄົນໃຊ້ໄຟ ຟ້າໜ້ອຍ;ນອກນີ້,ລົດຍົນໄຟຟ້າລະບາຍສິ່ງເຊື່ອມພິດໜ້ອຍ,ມີຜົນດີຕໍ່ການປົວແປງສິ່ງແວດລ້ອມຂອງຕົວເມືອງ.ແຕ່ວ່າ,ລົດໄຟຟ້າທີ່ໃຊ້ໝໍ້ໄຟເປັນແມ່ແຮງລ້ວນໆນັ້ນມີຂໍ້ຂາດຕົກບົກຜ່ອງຂໍ້ໜຶ່ງນີ້ກໍແມ່ນແລ່ນບໍ່ໄວປານໃດ.
ຄັນຊັ້ນ,ມີລົດຍົນຊະນິດໃດທີ່ທັງແລ່ນໄວທັງບໍ່ອາໄສນ້ຳມັນແອັດຊັງລ້ວນໆ?ລົດຍົນຊະ ນິດນີ້ກໍແມ່ນລົດຍົນແມ່ແຮງປະສົມທີ່ໄດ້ກ່າວມາຂ້າງເທິງ.ມັນມີສອງລະບົບແມ່ແຮງ:ໜຶ່ງແມ່ນຈັກໂມເຕີນ້ຳມັນເຊື້ອໄຟດັ້ງເດີມ,ອີກອັນໜຶ່ງແມ່ນລະບົບໄຟຟ້າ,ໝໍ້ໄຟສະໜອງພະລັງແມ່ແຮງ.ບໍລິສັດລົດຍົນຕົ່ງເຟິ່ງຈີນໄດ້ສຳເລັດການຄົ້ນຄວ້າລົດຍົນໄຟຟ້າພະລັງແມ່ແຮງປະສົມ,ແລະໄດ້ຜະລິດອອກງວດໜຶ່ງແລ້ວ.ທ່ານຜູ່ຟັງທີ່ໂຄລົບ,ທ່ານອາກຈະເປັນຫ່ວງວ່າ,ການຜັດປ່ຽນກັນໃຊ້ສອງລະບົບພະລັງແມ່ແຮງອາດຈະເພີ່ມຄວາມຫຍຸ້ງຍາກໃຫ້ແກ່ການຂັບລົດ,ທີ່ຈິງແລ້ວບໍ່ເປັນຈັ່ງຊັ້ນດອກ,ທ່ານສືຢົງຂອງບໍລິສັດລົດຍົນຕົ່ງເຟິ່ງຈີນແນະນຳວ່າ:"ວິທີຂັບລົດເກ໋ງພະລັງແມ່ແຮງປະສົມຊະນິດນີ້ບໍ່ຕ່າງກັບລົດຍົນດັ້ງເດີມ,ໃຕ້ສະພາບການປ່ຽນໃຊ້ລະບົບນ້ຳມັນເຊື້ອໄຟກັບລະບົບໄຟຟ້ານັ້ນ,ຜູ້ຂັບລົດບໍ່ມີຄວາມຮູ້ສຶກຫຍັງ.ຂັບໄດ້ສະດວກທີ່ສຸດ."
ທ່ານສືຢົງຍັງສະເໜີວ່າ,ທຳມະດາແລ້ວ,ລົດຍົນພະລັງແມ່ແຮງປະສົມມີເກຍອັດຕະໂນມັດ,ບໍ່ຕ້ອງຜູ້ຂັບລົດໃຊ້ມືມາປ່ຽນລະບົບແມ່ແຮງ.ໃນເວລາລົດຍົນເພີ່ມຄວາມໄວຫຼືພວມແລ່ນຢູ່ໃນຄວາມໄວສູງ,ຈັກໂມເຕີນ້ຳມັນເຊື້ອໄຟແລະຈັກໂມເຕີພະລັງໄຟຟ້າກໍເຮັດວຽກ ພ້ອມກັນ,ມີພະລັງແຮງ;ໃນເວລາແລ່ນຊ້າ,ໃຊ້ແຕ່ຈັກໂມເຕີພະລັງໄຟຟ້າທໍ່ນັ້ນ,ຈັກມີສຽງຄ່ອຍໆ,ເໝາະແລ່ນຢູ່ຕາມຖະໜົນຂອງຕົວເມືອງທີ່ມີລົດຍົນຫຼາຍ.ປະຈຸບັນ,ລົດໂດຍສານພະລັງແມ່ແຮງປະສົມງວດທຳອິດ20ຄັນທີ່ບໍລິສັດລົດຍົນຕົ່ງເຟິ່ງຜະລິດນັ້ນ,ລູກຄ້າໄດ້ຈອງຊື້ໝົດແລ້ວ.
ແຕ່ນັກວິຊາການລົດຍົນວິເຄາະວ່າ,ລົດຍົນພະລັງແມ່ແຮງປະສົມບໍ່ສາມາດແກ້ໄຂບັນຫາເຊື່ອມພິດສິ່ງແວດລ້ອມຈາກການໃຊ້ນ້ຳມັນເຊື້ອໄຟນັ້ນໄດ້ຢ່າງສິ້ນເຊິງ;ເຖິງວ່າລົດຍົນ ໄຟຟ້າມີສິ່ງເຊື່ອມພິດໜ້ອຍ,ແຕ່ໝໍ້ໄຟເມື່ອເຮັດວຽກບໍ່ໄດ້ແລ້ວ,ຍັງບໍ່ມີວິທີຊຳລະໄດ້.
ເນື່ອງຈາກສະພາບການດັ່ງກ່າວ,ພະນັກງານຄົ້ນຄວ້າຂອງຈີນພວມທົດລອງໃຊ້ວັດຖຸເຊື້ອໄຟຊະນິດໃໝ່ເປັນພະລັງແມ່ແຮງຂອງລົດຍົນ,ໃນນັ້ນຈຶ່ງແຈບໃຈກວ່າໝູ່ກໍແມ່ນວັດຖຸເຊື້ອໄຟອິດໂດຼແຊນທີ່ໃຊ້ເປັນກຳລັງດັນລູກສອນໄຟ.ວົງການລົດຍົນລ້ວນແຕ່ເຫັນໄປໃນແງ່ດີຕໍ່ອະນາຄົດຂອງການພັດທະນາລົດຍົນທີ່ໃຊ້ວັດຖຸເຊື້ອໄຟດັ່ງກ່າວ.
ຕໍ່ໄປພາຍໜ້າ,ຄຽງຄູ່ກັບເຕັກໂນໂລຊີທີ່ກ່ຽວຂ້ອງໄດ້ມີການບຸກທະລຸຢ່າງບໍ່ຢຸດຢັ້ງ,ຢູ່ຈີນ ຈະນຳໃຊ້ລົດຍົນແມ່ແຮງໄຟຟ້ານັບມື້ນັບທົ່ວເຖິງ.ຕາມແຜນການ,ໃນໄລຍະຈັດງານກິລາໂອລິມປິກປັກກິ່ງປີ2008,ນະຄອນປັກກິ່ງຈະໃຊ້ລົດເມພະລັງແມ່ແຮງໄຟຟ້າໝົດ.
|
