|
ຕາມຂ່າວສານຊິນຮວາ: ວັນທີ 7 ມິຖຸນາ ຢູ່ກຸງວຽນ, ທ່ານຖາງໂກສຽງ ເອກອັກຄະລັດຖະທູດຈີນປະຈຳສຳນັກງານອົງການສະຫະປະຊາຊາດທີ່ກຸງວຽນແລະປະຈຳອົງການຈັດຕັ້ງສາກົນອື່ນໆກ່າວວ່າ, ຈີນມີເຈດຈຳນົງໃຫ້ສ້າງກົນໄກຮ່ວມມືປ້ອງກັນແລະຄວບຄຸມພະຍາດໄຂ້ຫວັດນົກລະຫວ່າງຫຼາຍຝ່າຍ, ເລັ່ງລັດວາງແຜນລວມທີ່ຕ້ານພະຍາດລະບາດຄືພະຍາດໄຂ້ຫວັດນົກເປັນຕົ້ນ, ດຳເນີນການຮ່ວມມືຢ່າງກວ້າງຂວາງກວ່າເກົ່າໃນຂອບເຂດທົ່ວໂລກ.
ໃນເວລາກ່າວຄຳປາໄສໃນກອງປະຊຸມເຈົ້າໜ້າທີ່ອາວຸໂສສາກົນກ່ຽວກັບບັນຫາໄຂ້ຫວັດນົກທີ່ຈັດຂຶ້ນຢູ່ກຸງວຽນໃນມື້ດຽວກັນ, ທ່ານຖາງໂກສຽງກ່າວວ່າ, ປະຊາຄົມໂລກຄວນສ້າງກົນໄກຕິດຕາມແລະເຕືອນໄພລ່ວງໜ້າກ່ຽວກັບພະຍາດລະບາດຄື ໄຂ້ຫວັດນົກເປັນຕົ້ນໂດຍໄວ, ເພີ່ມທະວີການຊີ້ນຳປະເທດພວມພັດທະນາດ້ານການກໍ່ສ້າງລະບົບແລະຄວາມສາມາດປ້ອງກັນແລະຄວບຄຸມພະຍາດສັດ. ນອກນີ້, ຍັງຄວນຮ່ວມດຳເນີນການແກ້ຂໍ້ຍາກດ້ານວິທະຍາສາດເຕັກນິກ, ເພື່ອຈະໄດ້ຮັບຄວາມຄືບໜ້າທີ່ມີລັກສະນະບຸກທະລຸໃນຂົງເຂດຄົ້ນຄວ້າພື້ນຖານກ່ຽວກັບພະຍາດໄຂ້ຫວັດນົກໂດຍໄວ.
|
