|
ຕາມຂ່າວສານຊິນຮວາ: ວັນທີ 7 ມິຖຸນາ ຢູ່ທີ່ເຊີແນວ, ທ່ານຖຽນເສິງຜິງ ລັດຖະມົນຕີກະຊວງແຮງງານແລະປະກັນສັງຄົມຂອງຈີນທີ່ໄປສະວິສເພື່ອເຂົ້າຮ່ວມກອງປະຊຸມຄັ້ງທີ 95 ຂອງອົງການກຳມະກອນສາກົນກ່າວວ່າ, ລັດຖະບານຈີນຈະສືບຕໍ່ຖືການຊຸກຍູ້ການປະກອບອາຊີບເປັນໜ້າທີ່ຍຸດທະສາດທີ່ກ່ຽວພັນເຖິງເສດຖະກິດແຫ່ງຊາດແລະຊີວິດການເປັນຢູ່ຂອງປະຊາຊົນ, ຖືການແກ້ໄຂບັນຫາປະກອບອາຊີບຄືນໃໝ່ຂອງຜູ່ຕົກງານໃນຂະບວນການປ່ຽນໂຄງປະກອບນັ້ນເປັນຈຸດໜັກ, ຄວບຄຸມອັດຕາຫວ່າງງານແລະຮອບໝູນວຽນການຫວ່າງງານໃນຕົວເມືອງໃຫ້ຢູ່ໃນຂອບເຂດທີ່ສັງຄົມຮັບເອົາໄດ້.
ໃນເວລາໃຫ້ສຳພາດຕໍ່ນັກຂ່າວຈີນໃນມື້ດຽວກັນ, ທ່ານຖຽນເສິງຜິງກ່າວວ່າ, ຕັ້ງແຕ່ປະຕິຮູບແລະໄຂປະຕູສູ່ພາຍນອກມານີ້, ຈີນໄດ້ສ້າງກົນໄກສາມຝ່າຍປະສານງານການພົວພັນແຮງງານທີ່ມີສີສັນພິເສດຂອງຈີນໃນເບື້ອງຕົ້ນແລ້ວ. ຄວາມພະຍາຍາມແລະຜົນງານຂອງຈີນໃນການຊຸກຍູ້ການປະກອບອາຊີບແລະກຳຈັດຄວາມທຸກຍາກ, ກໍ່ໄດ້ຮັບການຕີລາຄາຢ່າງຕັ້ງໜ້າຈາກປະຊາຄົມໂລກ.
|
