ຝ່າຍຈີນຍິນດີພ້ອມກັບຝ່າຍອາເມລິກາຊຸກຍູ້ການພົວພັນຮ່ວມມືທີ່ມີລັກສະນະສ້າງສັນລະຫວ່າງຈີນກັບອາເມລິກາໃຫ້ກ້າວໄປໜ້າຢ່າງຮອບດ້ານ
cri
ຕາມຂ່າວCRI:ວັນທີ8ມິຖຸນາ,ໃນງານຊຸມນຸມນັກຂ່າວປະຈຳທີ່ຈັດຂຶ້ນຢູ່ທີ່ປັກກິ່ງ,ທ່ານລິວຈ້ຽນຊ່າວ ໂຄສົກກະຊວງການຕ່າງປະເທດຈີນກ່າວວ່າ,ຝ່າຍຈີນໄດ້ເອົາໃຈໃສ່ນຳການສະແດງທ່າທີອັນຕັ້ງໜ້າຂອງທ່ານບຸສ ປະທານາທິບໍດີອາເມລິກາທີ່ມີຕໍ່ການພົວພັນຈີນອາເມລິກາ,ຍິນດີພ້ອມກັບຝ່າຍອາເມລິກາທຳຄວາມພະຍາຍາມ,ຊຸກຍູ້ການພົວພັນຮ່ວມມືທີ່ມີລັກສະນະສ້າງສັນລະຫວ່າງຈີນອາເມລິກາໃນສະຕະວັດທີ21ໃຫ້ກ້າວໄປໜ້າຢ່າງຮອບດ້ານ.
ຫວ່າງມໍ່ໆນີ້,ທ່ານບຸສ ປະທານາທິບໍດີອາເມລິກາໄດ້ພົບປະຄະນະອົບຮົມແລະທັດສະນະສຶກສາຂອງລັດຖະກອນຊັ້ນສູງຂອງຈີນຢູ່ທຳນຽບຂາວ,ແລະໄດ້ໂອລົມກັນເປັນເວລາດົນນານ.ໂດຍຕອບສະໜອງຄຳຮ້ອງຂໍຂອງນັກຂ່າວ,ທ່ານລິວຈ້ຽນຊ່າວແນະນຳວ່າ,ໃນການພົບປະເທື່ອນີ້,ທ່ານບຸສໄດ້ຕີລາຄາຢ່າງຕັ້ງໜ້າຕໍ່ການໄປຢ້ຽມຢາມອາເມລິກາຂອງທ່ານຫູຈິນທ່າວ ປະທານປະເທດຈີນໃນເດືອນເມສາປີນີ້,ແລະກ່າວວ່າ,ຈີນແມ່ນປະເທດສຳຄັນທີ່ສຸດທີ່ມີກຳລັງບົ່ມຊ້ອນອັນມະຫາສານ,ແລະກ່າວວ່າ,ອາເມລິກາສຸມກຳລັງເຂົ້າໃນການຂະ ຫຍາຍການພົວພັນຮ່ວມມືທີ່ມີລັກສະນະສ້າງສັນກັບຈີນ,ຍິນດີເປີດກວ້າງການແລກປ່ຽນແລະການຮ່ວມມືໃນຫຼາຍຂົງເຂດ,ຄືສອງກອງທັບ ພະລັງງານ ການສຶກສາແລະຊາວໜຸ່ມເປັນຕົ້ນລະຫວ່າງສອງປະເທດ.
|
|