|
ຫວ່າງມໍ່ໆນີ້,ພວກເຮົາໄດ້ຮັບຈົດໝາຍຂອງພຣະໄຊມອນ ສຸວັນນະຄຳປັນ ທີ່ປະເທດມຽນມາ,ໃນຈົດໝາຍພຣະໄຊມອນຂຽນວ່າ,ນີ້ແມ່ນຈົດໝາຍສະບັບທຳອິດທີ່ຂ້າພະເຈົ້າໄດ້ຂຽນມາໃນລາຍການຂອງທ່ານ,ຂ້າພະເຈົ້າກໍ່ແມ່ນຜູ້ໜຶ່ງທີ່ຕິດຕາມຮັບຟັງລາຍການຂອງທ່ານມາດົນແລ້ວ.ຂ້າພະເຈົ້າມັກຟັງລາຍການອອກອາກາດຂອງທ່ານຫຼາຍ.ເວົ້າໄດ້ວ່າໝົດທຸກລາຍການລ້ວນແຕ່ໃຫ້ຄວາມຮູ້ແລະຄວາມບັນເທີງຫຼາຍຮູບແບບ.ໃນຕອນສຸດທ້າຍຂອງຈົດໝາຍ,ພຣະໄຊມອນຍັງຂຽນວ່າເພິ່ນມັກຟັງລາຍການ"ນັບພົບໃນວັນອາທິດ"ຫຼາຍແລະອວຍພອນໃຫ້ຜູ້ດຳເນີນລາຍການ"ນັດພົບໃນວັນອາທິດ"ເຊັ່ນ,ໂຍມດາລາວັນ,ພ້ອມດ້ວຍໝົດທີມງານ ພາກພາສາລາວຈົ່ງມີແຕ່ຄວາມສຸກກາຍສະບາຍໃຈ,ຈະເລີນຮຸ່ງເຮືອງຮອບດ້ານແລະອາຍຸໝັ້ນຍືນ.
ພວກເຮົາຂໍຂອບໃຈພຣະໄຊມອນຫຼາຍທີ່ໄດ້ຝາກຈົດໝາຍມາແຕ່ມຽມມາ ເພື່ອສະເໜີຄວາມຄິດຄວາມເຫັນຂອງເພິ່ນ.ຖ້າມີເວລາຫວ່າງ,ກໍ່ຫວັງວ່າພຣະອາຈານຄົງຈະຂຽນຈົດໝາຍມາໃຫ້ພວກເຮົາເລື້ອຍໆ.ພ້ອມກັນນັ້ນ,ຂ້າພະເຈົ້າພ້ອມດ້ວຍນາງດາລາວັນແລະພະນັກງານທຸກຄົນໃນພາກພາສາລາວໄດ້ຮັບເອົາຄຳພອນອັນປະເສີດຂອງພຣະແລ້ວ,ພວກເຮົາຈະພະຍາຍາມຈັດລາຍການໃຫ້ດີກວ່າເກົ່າເພື່ອເພື່ອນມິດຜູ້ຟັງທຸກຄົນ.
ຕໍ່ໄປພວກເຮົາຈະຈັດເພງ"ນີຊື້ວໍເຕີເມກຸ້ຍຮວ່າ",ແປວ່າ"ເຈົ້າແມ່ນດອກກຸຫຼາບຂອງຂ້ອຍ",ສູ່ຟັງຕາມຄວາມປະສົງຂອງພຣະໄຊມອນ,ກໍຂໍມອບໃຫ້ເພື່ອນຜູ້ຟັງທີ່ພວມຟັງລາຍການຂອງພວກເຮົາຢູ່ດຽວນີ້.
|
