ຕາມ​ຂ່າວສານ​ຊິນ​ຮວາ: ສະຖິຕິຫຼ້າສຸດສະ​ແດງ​ໃຫ້​ເຫັນ​ວ່າ, ​ໃນ 5 ປີຜ່ານມາ, ຄົນ​ພິ​ການ​ຈີນ 6 ລ້ານ 4 ​ແສນ 2 ໝື່ນ​ຄົນ​ໄດ້​ຟື້ນ​ຟູ​ສຸຂະພາບ​​ໃນ​ລະດັບ​ຕ່າງ​ກັນ, ສະພາວະ​ຄົນ​ພິ​ການ​ຂອງ​ຈີນ​ໄດ້​ຮັບ​ການ​ປົວ​ແປງ​ໃຫ້​ດີ​ຂຶ້ນຕື່ມ​ອີກ.

ສະ​ຖິຕິ​ຍັງ​ສະ​ແດງ​ໃຫ້​ເຫັນ​ວ່າ, ​ໃນ 5 ປີຜ່ານມາ, ຈີນ​ມີ​ຄົນ​ພິການປະມານ 6 ​ແສນ​ຄົນ​ໄດ້​ຮັບ​ການ​ສຶກສາ​ວິຊາ​ຊີບ, ພື້ນຖານຊີວິດການ​ເປັນ​ຢູ່​ຂອງຄົນ​ພິການ​ຜູ່​ທຸກ​ຍາກທີ່​ສຸດ 5 ລ້ານ 1 ​ແສນ 6 ໝື່ນ​ຄົນ​ໄດ້​ມີ​ຄວາມ​ຮັບປະກັນ.

ຕາມ​ແຜນການ​ຂອງ​ລັດຖະບານ​ຈີນ, ​ໃນ 5 ປີ​ຂ້າງ​ໜ້າ, ຈີນ​ຈະຊ່ອຍຄົນ​ພິການ​ຜູ່​ທຸກ​ຍາກ​ໃນ​ຊົນ​ນະ​ບົດ 10 ລ້ານ​ຄົນ​ແກ້​ໄຂ​ການ​ກິນ​ອິ່ມ​ນຸ່ງ​ອຸ່ນ​ໂດຍ​ພື້ນຖານ; ຕໍ່​ຄົນ​ພິ​ການ​ທີ່​ໄດ້​ແກ້​ໄຂ​ການ​ກິນ​ອິ່ມ​ນຸ່ງ​ອຸ່ນ​​ໃນ​ເບື້ອງ​ຕົ້ນ​ແລ້ວນັ້ນ, ຈະ​ຊ່ອຍເຂົາ​ເຈົ້າຍົກ​ສູງ​ລາຍ​ຮັບ​ຢ່າງ​ໝັ້ນ​ທ່ຽງ.