|
ຕາມຂ່າວ CRI: ວັນທີ 9 ມິຖຸນາ, ທົ່ວປະເທດໄທໄດ້ຈັດງານສະຫຼອງພະບາດສົມເດັດພູມິພົນ ອະດຸນຍາເດດສະເຫວີຍລາຊະສົມບັດຄົບຮອບ 60 ປີຢ່າງຄຶກຄື້ນ.
ຕອນທ່ຽງມື້ດຽວກັນ, ພະບາດສົມເດັດພູມິພົນ ອະດຸນຍະເດດແລະພະມະເຫສີສິລິກິດໄດ້ຊົງຕ້ອນຮັບມວນຊົນເຂົ້າເຝົ້າຖະຫວາຍພະພອນຢູ່ພະທີ່ນັ່ງອະນັນຕະສະມາຄົມ. ພະບາດສົມເດັດພູມິພົນ ອະດຸນຍະເດດຊົງກ່າວວ່າ, ຄວາມສາມັກຄີແມ່ນພື້ນຖານແຫ່ງການນຳພາປະເທດໄທໄປສູ່ຄວາມຈະເລີນຮຸ່ງເຮືອງ, ປະຊາຊົນທົ່ວປະເທດຄວນສາມັກຄີເປັນຈິດໜຶ່ງໃຈດຽວກັນ, ປະvລະການວິວາດກັນທາງການເມືອງ. ຫຼັງຈາກນັ້ນ ທົ່ວປວງຊົນພ້ອມກັນຮ້ອງເພງສັນລະເສີນພະບາລະມີ ໃຕ້ການນຳພາຂອງທ່ານທັກສິນ ຊິນນະວັດ ນາຍົກລັດຖະມົນຕີຮັກສາການ.
ເພື່ອສະຫຼອງວັນພິເສດດັ່ງກ່າວນີ້ ແລະສະແດງຄວາມຈົງຮັກພັກດີຕໍ່ເຈົ້າຊີວິດ, ໃນມື້ດຽວກັນນີ້, ຂ້າລັດຊະການທົ່ວປະເທດໄທລ້ວນແຕ່ໃສ່ສົ້ງເສື້ອສີເຫຼືອງທີ່ເປັນຕົວແທນພະບໍລົມມະວົງສານຸວົງ.
|
