|
ທ່ານຜູ້ຟັງທີ່ໂຄລົບ,ໃນເວລາທີ່ທະນາຄານມັນກະດູກຈີນຫາກໍສ້າງຕັ້ງຂຶ້ນເມື່ອປີ1992ນັ້ນ,ຜູ້ຕອບສະໜອງແມ່ນມີໜ້ອຍທີ່ສຸດ,ພັດທະນາມາຮອດດຽວນີ້,ໄດ້ມີຈຸລັງລ້ຳຕົ້ນຜະລິດເລືອດເຖິງ3ແສນ6ໝື່ນຕົວຢ່າງແລ້ວ,ໃນນັ້ນເຕັມໄປດ້ວຍນ້ຳໃຈຂອງລັດຖະບານຈີນແລະວົງການຕ່າງໆໃນສັງຄົມຈົນບໍ່ສາມາດຄັນມະນານັບ.ດຽວນີ້,ທະນາຄານມັນກະດູກຈີນກໍ່ວາງແຜນລະຂະຫຍາຍບໍລິມາດບັນຈຸອີກ,ເມື່ອຮອດປີ2010,ໃຫ້ບັນຈຸຈຸລັງລ້ຳຕົ້ນໄດ້ເຖິງ1ລ້ານຕົວຢ່າງ.ໃນລາຍການຈີນປັດຈຸບັນພາກນີ້,ພວກເຮົາຈະແນະນຳສະພາບພັດທະນາຂອງທະນາຄານມັນກະດູກຈີນສູ່ທ່ານຟັງ.
ພະຍາດມະເຮັງເລືອດແມ່ນພະຍາດຊະນິດໜຶ່ງທີ່ທຳລາຍສຸຂະພາບຂອງມະນຸດຢ່າງໜັກໜວ່ງ,ຍ້ອນວ່າບໍ່ມີວິທີປີ່ນປົວທີ່ໄດ້ຜົນ,ຄົນເຮົາເຄີຍຈົນປັນຍາສຸດວິໄສຕໍ່ພະຍາດມະເຮັງເລືອດ.ແຕ່ວ່າຄຽງຄູ່ກັບການພັດທະນາຂອງແພດສາດສະໄໝປັດຈຸບັນ,ໄດ້ຄົ້ນພົບວ່າການຍ້າຍປູກຈຸລັງລ້ຳຕົ້ນຜະລິດເລືອດສາມາດປົວພະຍາດມະເຮັງເລືອດໄດ້.ຊຸມປີ80,90ຂອງສະຕະວັດແລ້ວນີ້,ຫຼາຍປະເທດໃນໂລກໄດ້ທະຍອຍກັນສ້າງຕັ້ງທະນາຄານມັນກະດູກຂອງຜູ້ບໍລິຈາກຂຶ້ນ,ສະໜອງຈຸລັງລ້ຳຕົ້ນທີ່ຜະລິດເລືອດອັນເໝາະສົມໃຫ້ຜູ້ເປັນພະຍາດມະເຮັງເລືອດ.
ຈີນມີຜູ້ເປັນພະຍາດມະເຮັງເລືອດປະມານ4ລ້ານກວ່າຄົນ,ໃນນັ້ນມີປະມານ1ລ້ານຄົນຕ້ອງປົວດ້ວຍວິທີຍ້າຍປູກຈຸລັງລ້ຳຕົ້ນທີ່ຜະລິດເລືອດ.ປີ1992,ສະພາກາແດງຈີນໄດ້ເລີ່ມຈັດຕັ້ງແລະສ້າງຕັ້ງທະນາຄານມັນກະດູກຈີນຂຶ້ນ,ນັບມາຮອດເດືອນມີນາ ປີ2006,ທະນາຄານມັນກະດູກຈີນໄດ້ມີມັນກະດູກຂອງຜູ້ບໍລິຈາກເຖິງ3ແສນ6ໝື່ນຕົວຢ່າງແລ້ວ,ຜູ້ເປັນພະຍາດມະເຮັງເລືອດ50%ອາດຈະຊອກພົບຈຸລັງລ້ຳຕົ້ນຜະລິດເລືອດອັນເໝາະສົມຢູ່ໃນທະນາຄານນີ້.ແຕ່ນີ້ກໍຍັງບໍ່ສາມາດຕອບສະໜອງກັບຄວາມຕ້ອງການຂອງຜູ້ເປັນພະຍາດ,ທ່ານຮົງຈຸ້ນຫຼິງ ຫົວໜ້າສູນຄຸ້ມຄອງທະນາຄານມັນກະດູກຈີນກ່າວວ່າ,ທະນາຄານມັນກະດູກຈີນພວມວາງແຜນຂະຫຍາຍກວ້າງອອກຕື່ມອີກ,ທ່ານກ່າວວ່າ:
"ກ່ອນປີ2010,ພວກເຮົາຈະເຮັດໃຫ້ບໍລິມາດບັນຈຸຂອງທະນາຄານມັນກະດູກຂອງພວກເຮົາບັນຈຸໄດ້1ລ້ານຕົວຢ່າງ.ພວກເຮົາໄດ້ເຊີນຜູ້ຊ່ຽວຊານມາຄຳນວນໃນເບື້ອງຕົ້ນວ່າ,ທະນາຄານດັ່ງກ່າວບັນຈຸໄດ້ປະມານເທົ່າໃດຈຶ່ງເໝາະສົມແລະຄຸ້ມຄ່າທີ່ສຸດ?ການຄຳນວນໃນເບື້ອງຕົ້ນແມ່ນ1ລ້ານຕົວຢ່າງ."
ທ່ານຮົງຈຸ້ນຫຼິງກ່າວວ່າ,ອີງຕາມສະພາບໃນປັດຈຸບັນ,ທ່ານມີຄວາມໝັ້ນໃຈເຕັມປ່ຽມທີ່ຈະເຮັດຕໍ່ສຳເລັດຈຸດໝາຍນີ້.ຜູ້ຮັບຜິດຊອບຂອງສາຂາທະນາຄານມັນກະດູກແຂວງຕ່າງໆກໍ່ເຫັນໄປໃນແງ່ດີທີ່ຈະສຳເລັດຈຸດໝາຍດັ່ງກ່າວ.ທ່ານຊຸນເຢິນຈິ້ງ ຜູ້ຮັບຜິດຊອບສາຂາແຂວງຈຽງຊູເຊິ່ງເປັນແຂວງແຄມທະເລທາງພາກຕາເວັນອອກຂອງຈີນກ່າວວ່າ,ໜ້າທີ່ຂອງແຂວງຈຽງຊູແມ່ນໃຫ້ໄດ້ມັນກະດູກເຖິງ8ໝື່ນຕົວຢ່າງເມື່ອຮອດປີ2010,ທ່ານເຫັນວ່າບໍ່ມີບັນຫາ,ຫຼືຍັງອາດຈະໄດ້ຮອດ1ແສນຕົວຢ່າງກໍເປັນໄດ້:
"ເລືອດທີ່ແຂວງຈຽງຊູເກັບເອົາມາໄດ້ນັ້ນມີ5ເໝື່ນກວ່າຕົວຢ່າງແລ້ວ,ຍ້ອນວ່າມວນຊົນມີຄວາມຫ້າວຫັນ,ມີຜູ້ສະໝັກບໍລິຈາກຫຼາຍສົມຄວນ,ແນວນັ້ນ,ພວກເຮົາເກັບໂຮມຕົວຢ່າງເລືອດກ່ອນ.ຫ້ອງທົດລອງແຍກໝວດເລືອດມີໜຶ່ງຂະບວນວິວັດ,ກ່ຽວພັນເຖິງແຮງຄົນແລະເຄື່ອງປະກອບໃນທີ່ສຸດ,ຫ້ອງທົດລອງໄດ້ສຳເລັດ3ໝື່ນກວ່າສະບັບໃນປັດຈຸບັນ,ຍັງມີຕົວຢ່າງ1ໝື່ນກວ່າສະບັບຕ້ອງຝາກໄວ້ຢ່າງຊົ່ວຄາວ.ນອກນີ້,ປັດຈຸບັນ,ພວກເຮົາພຽງແຕ່ປະກາດແລະລະດົມຢູ່ຕົວເມືອງ,ບໍ່ຂະຫຍາຍອອກຮອດຊົນນະບົດ."
ສະພາບຊະນິດນີ້ແຕກຕ່າງຢ່າງແຈ່ມແຈ້ງກັບເວລາທີ່ເລີ່ມສ້າງທະນາຄານມັນກະດູກຈີນໃນປີ1992.ທ່ານຮົງຈຸ້ນລິງ ຫົວໜ້າສູນຄຸ້ມຄອງທະນາຄານມັນກະດູກຈີນໄດ້ເຂົ້າຮ່ວມວຽກງານສ້າງສາຂອງທະນາຄານມັນກະດູກຈີນແຕ່ປີ1992ເປັນຕົ້ນມາ,ທ່ານເວົ້າວ່າ:
"ພວກເຮົາເລີ່ມເຮັດວຽກນີ້ໃນປີ1992,ແນວນັ້ນ,ຮອດປີ2001,ໃນເວລາ9ປີ,ພວກເຮົາພຽງແຕ່ມີຈຸລັງລ້ຳຕົ້ນຫຼາຍພັນສະບັບເຂົ້າໃນທະນາຄານ."
ຍ້ອນວ່າຈຸລັງລ້ຳຕົ້ນຂອງທະນາຄານມັນກະດູກຈີນມີຈຳກັດ,ເຮັດໃຫ້ຜູ້ເປັນພະຍາດບາງຄົນຂອງຈີນຕ້ອງຂໍຄວາມຊ່ອຍເຫຼືອຈາກທະນາຄານມັນກະດູກຂອງຕ່າງປະເທດ,ປະກົດການນີ້ພາໃຫ້ຄວາມສຳນຶກຄືນພາຍໃນປະເທດຈີນ,ລັດຖະບານຈີນກໍ່ນັບມື້ນັບເອົາໃຈໃສ່ການສ້າງສາຂອງທະນາຄານມັນກະດູກຈີນ.ພາຍໃຕ້ການສະໜັບສະໜູນຂອງລັດຖະບານຈີນ,ທ້າຍປີ2001,ທະນາຄານມັນກະດູກຈີນລິເລີ່ມຢ່າງຄືນໃໝ່.
ແຕ່ທະນາຄານມັນກະດູກຈີນລິເລີ່ມຢ່າງຄືນໃໝ່ຫາເດືອນມີນາປີນີ້,ພາຍໃນເວລາສັ້ນ4ກວ່າປີ,ຈຸລັງລ້ຳຕົ້ນຂອງທະນາຄານມັນກະດູກຈີນກໍ່ເພີ່ມຮອດ3ແສນ6ໝື່ນສະບັບແຕ່ຫຼາຍພັນສະບັບ.ປັດຈຸບັນ,ໄດ້ມີຜູ້ອາສາສະໝັກ400ກວ່າຄົນໄດ້ບໍລິຈາກຈຸລັງລ້ຳຕົ້ນທີ່ຜະລິດເລືອດ,ໄດ້ສະໜອງຈຸລັງລ້ຳຕົ້ນ10ກວ່າຕົວຢ່າງໃຫ້ຜູ້ເປັນພະຍາດນອກຊາຍແດງ.
ຕາມແນະນຳວ່າ,ມີສອງສາຍເຫດຕົ້ນຕໍທີ່ທະນາຄານມັນກະດູກຈີນພັດທະນາຢ່າງວ່ອງໄວພາຍຫຼັງລິເລີ່ມຢ່າງຄືນໃໝ່,ທີ່ໜຶ່ງກໍ່ແມ່ນບັນຫາຄ່າໃຊ້ຈ່າຍໄດ້ຮັບການແກ້ໄຂ.ສ້າງທະນາຄານມັນກະດູກຕ້ອງການການສະໜັບສະໜູນທຶນຮອນຈຳນວນຫຼາຍ.ພຽງແຕ່ແຍກແບບແລະວັດແທກຈຸລັງລ້ຳຕົ້ນທີ່ຜະລິດເລືອດທີ່ຜູ້ບໍລິຈາກສະໜອງ,ຜູ້ໜຶ່ງກໍ່ຕ້ອງການຄ່າໃຊ້ຈ່າຍ500ຢວນ,ສ່ວນວ່າພຽງແຕ່ອາໄສສະພາກາແດງຈີນຫ້າງຫາເງິນຄຳໂດຍຜ່ານບໍລິຈາກໃນສັງຄົມບໍ່ພໍຢ່າງເດັ່ນຊັດ.
ພາຍຫຼັງທະນາຄານມັນກະດູກຈີນລິເລີ່ມຢ່າງຄືນໃໝ່,ລັດຖະບານຈີນໄດ້ລົງທຶນຕັ້ງສູນຄຸ້ມຄອງທະນາຄານມັນກະດູກຈີນທີ່ໃນຖານເປັນອົງການຄຸ້ມຄອງພິເສດ,ໄດ້ສະໜອງຄວາມຮັບປະກັນທາງການຈັດຕັ້ງແລະພະນັກງານໃຫ້ການສ້າງສາທະນາຄານມັນກະດູກຈີນ.ພ້ອມກັນນັ້ນ,ຂະແໜງການກ່ຽວຂ້ອງຂອງລັດຖະບານຈີນຍັງໄດ້ເພີ່ມທະວີການສະໜັບສະໜູນທຶນຮອນຕໍ່ທະນາຄານມັນກະດູກຈີນ,ແຕ່ປີ2003ເປັນຕົ້ນມາໄດ້ສະໜອງທຶນຮອນສະເພາະປະມານ180ລ້ານຢວນ.
ສາຍເຫດທີ່ສອງແມ່ນ,ຄຽງຄູ່ກັບກຳລັງປະກາດເພີ່ມທະວີຂຶ້ນ,ຄົນທັງຫຼາຍນັບມື້ນັບຮັບຮູ້ການບໍລິຈາກຈຸລັງລ້ຳຕົ້ນທີ່ຜະລິດເລືອດ,ຜູ້ອາສາສະໝັກບໍລິຈາກນັບມື້ນັບເພີ່ມຂຶ້ນ,ການບໍລິຈາກຈຸລັງລ້ຳຕົ້ນທີ່ຜະລິດເລືອດກໍ່ເອີ້ນເປັນໜຶ່ງເລື່ອງທີ່ເປັນຕາເຮັດທີ່ສຸດໃນຊີວິດ.ນອກນີ້,ຄຽງຄູ່ກັບຄວາມກ້າວໜ້າຂອງເຕັກນິກ,ປັດຈຸບັນ,ເກັບໂຮມຈຸລັງລ້ຳຕົ້ນທີ່ຜະລິດເລືອດບໍ່ຕ້ອງເກັບໂຮມໃນມັນກະດູກອີກ,ຂະບວນວິວັດເກັບໂຮໝມໍ່ບໍ່ມີຄວາມເຈັບປວດໃດ,ຄວາມອັນຕະລາຍກໍ່ຫຼຸດລົງຢ່າງຫຼວງຫຼາຍ,ນີ້ກໍ່ໄດ້ເພີ່ມທະວີຄວາມຕັ້ງໜ້າຂອງຜູ້ອາສາສະໝັກ.
ຕາມສະຖິຕິ,ປະຈຸບັນ,ທົ່ວໂລກໄດ້ມີ37ປະເທດໄດ້ສ້າງຕັ້ງທະນາຄານມັນກະດູກ48ແຫ່ງ.ໃນບໍ່ເທົ່າໃດປີມານີ້,ທະນາຄານມັນກະດູກຈີນພັດທະນາຢ່າງວ່ອງໄວ,ປັດຈຸບັນໄດ້ກາຍເປັນທະນາຄານຈຸລັງລ້ຳຕົ້ນທີ່ຜະລິດເລືອດຄົນຈີນຂະໜາດໃຫຍ່ທີ່ສຸດໃນໂລກ.ຄຽງຄູ່ກັບທະນາຄານມັນກະດູກເປີດກວ້າງປະລິມານບັນຈຸຕື່ມອີກ,ຄົງຈະຮັບໃຊ້ສັງຄົມແລະຄົນຈີນໃນທົ່ວໂລກເປັນຢ່າງດີກວ່າເກົ່າ.
|
