|
|
 |
| (GMT+08:00)
2006-06-09 19:45:55
|
 |
|
ປະຊາຄົມໂລກສືບຕໍ່ທຳປະຕິກິລິຍາຕໍ່ຈາຄາວີຖືກລະເບີດຕາຍ
cri
Author: shuo
ຕາມຂ່າວCRI,ວັນທີ8ມິຖຸນາ,ປະຊາຄົນໂລກສືບຕໍ່ທຳປະຕິກິລິຍາຕໍ່ຈາຄາວີ ຫົວໂປ່ອົງການອານເຄດາຢູ່ອີຣັກຖືກລະເບີດຕາຍ.
ວັນທີ 9 ມິຖຸນາ,ຫ້ອງການໂຄສົກກະຊວງການຕ່າງປະເທດຈີນໄດ້ທຳປະຕິກິລິຍາຕໍ່ຈາຄາວີຖືກລະເບີດຕາຍ,ກ່າວວ່າ,ຝ່າຍຈີນຫວັງໃຫ້ສະຖານະການຄວາມປອດໄພຂອງອີຣັກຟື້ນຟູສະຖຽນລະພາບໂດຍໄວ,ເພື່ອສ້າງຄວາມສະດວກໃຫ້ແກ່ການສ້າງສາຄືນໃໝ່ຂອງອີຣັກ.
ທ່ານອານນານ ເລຂາທິການໃຫຍ່ອົງການສະຫະປະຊາຊາດເວົ້າວ່າ,ຄວາມຕາຍຂອງຈາຄາວີໄດ້ເຮັດໃຫ້ປະຊາຊົນອີຣັກໄດ້ຮັບການພົ້ນທຸກ,ແຕ່ບໍ່ໄດ້ໝາຍຄວາມວ່າການເຄື່ອນໄຫວດ້ວຍກຳລັງຮຸນແຮງຢູ່ອີຣັກໄດ້ສິ້ນສຸດລົງ.
ທ່ານຟຼັດຕີນີ ຮອງປະທານຄະນະກຳມາທິການສະຫະພາບເອີລົບທັງເປັນກຳມະການຮັບຜິດຊອບວຽກງານຕຸລາການແລະເສລີພາບພ້ອມດ້ວຍວຽກງານຄວາມປອດໄພໄດ້ອອກຖະແຫຼງການເຫັນວ່າ,ຈາຄາວີຖືກລະເບີດຕາຍແມ່ນການໂຈມຕີຢ່າງແຂງແຮງຕໍ່ອິດທິກຳລັງລັດທິກໍ່ການຮ້າຍສາກົນ,ແຕ່ສະຫະພາບເອີລົບຈະສືບຕໍ່ເພີ່ມທະວີຄວາມພະຍາຍາມຕ້ານລັດທິກໍ່ການຮ້າຍຕື່ມອີກ.
ທ່ານບຸສ ປະທານາທິບໍດີອາເມລິກາອອກຖະແຫຼງການວ່າ,ທະຫານອາເມລິກາລະເບີດຕາຍຈາຄາວີຜູ້ກໍ່ການຮ້າຍແມ່ນໄຊຊະນະແຫ່ງສົງຄາມຕ້ານລັດຖິກໍ່ການຮ້າຍຂອງທົ່ວໂລກ,ກໍແມ່ນໂອກາດສຳລັບລັດຖະບານຊຸດໃໝ່ຂອງອີຣັກປ່ຽນແປງສະຖານະການພາຍໃນປະເທດ,ແຕ່ພາລະກຳຂອງທະຫານອາເມລິກາຢູ່ອີຣັກຍັງບໍ່ທັນສິ້ນສຸດລົງເທື່ອ.
ນອກນີ້,ຜູ້ນຳຂອງປະເທດຕ່າງໆ,ເຊັ່ນຝັ່ງລັ່ງ ອັງກິດ ເຢຍລະມັນ ຣັດເຊຍ ອັຟການີສະຖານ ປາກິສະຖານແລະອິດສຣາແອນເປັນຕົ້ນກໍຕ່າງໄດ້ອອກຖະແຫຼງການຫຼືກ່າວຄຳປາໄສ,ເຫັນວ່າການຕາຍຂອງຈາຄາວີແມ່ນບາດກ້າວສຳຄັນໃນການລົບລ້າງລັດທິກໍ່ການຮ້າຍ,ແຕ່ນີ້ບໍ່ຫ່ອນຈະເຮັດໃຫ້ສະຖານະການຂອງອີຣັກສະຫງົບລົງ,ສະຖານະການຕ້ານການກໍ່ການຮ້າຍຍັງຄົງຂ້ຽວຂາດຢູ່.
|
|
|
