|
|
 |
| (GMT+08:00)
2006-06-09 20:18:38
|
 |
|
ທະຫານເຮືອຂອງສິງກະໂປແລະອາເມລິກາຈັດການຊ້ອມຍິງລູກສອນໄຟນຳວິຖີ
cri
ຕາມຂ່າວສານຊີນຮວາ,ວັນທີ8ມິຖຸນາ,ທະຫານເຮືອຂອງສິງກະໂປແລະອາເມລິກາໄດ້ຈັດການຊ້ອມຍິງລູກສອນໄຟນຳວິຖີຢູ່ທະເລຈີນໃຕ້.ນີ້ແມ່ນພາກສ່ວນໜຶ່ງຂອງການຊ້ອມລົບ"ແຜນການຮ່ວມກະກຽມສົງຄາມແລະຝຶກຫັດທາງທະເລ"ລະຫວ່າງສອງປະເທດທີ່ສອງປີຈັດຂຶ້ນເທື່ອໜຶ່ງ.
ຕາມຂ່າວແຈ້ງວ່າ,ໃນການຊ້ອມລົບ,ທະຫານເຮືອສິງກະໂປໄດ້ຍິງລູນສອນໄຟນຳວິຖີທີ່ຕ້ານລູກສອນໄຟນຳວິຖີຊື່"ບາຣັກ",ແລະໄດ້ຍິງຖືກເປົ້າໝາຍຢູ່ເທິງອາກາດຢ່າງສຳເລັດຜົນ.ກະຊວງປ້ອງກັນປະເທດສິງກະໂປກ່າວວ່າ,ການຊ້ອມລົບເທື່ອນີ້ໄດ້ສ່ອງແສງໃຫ້ເຫັນຄວາມສາມາດກະກຽມສົງຄາມຂອງທະຫານເຮືອສິງກະໂປແລະອາເມລິກາ,ກໍສະແດງໃຫ້ເຫັນການພົວພັນຮ່ວມມືອັນແໜ້ນແຟ້ນ ລະຫວ່າງທະຫານເຮືອສິງກະໂປແລະອາເມລິກາ.
ການຊ້ອມລົບ"ແຜນການຮ່ວມກະກຽມສົງຄາມແລະຝຶກຫັດທາງທະເລ"ແມ່ນການຊ້ອມລົບປະສົມຕ່າງໆປະຈຳປີທີ່ອາເມລິກາແລະປະເທດອາຊຽນຈັດຂຶ້ນ,ໄດ້ຈັດຂຶ້ນເປັນຄັ້ງທຳອິດໃນປີ1995.
|
|
|
